போலி வெடிகுண்டுடன் மர்மமனிதன்

போலி வெடிகுண்டுடன் மர்மமனிதன்
அவுஸ்திரேலியாவில் உள்ள சிட்னி நகரில் ஒரு தொழில் அதிபரின் வீட்டுக்குள் மர்மமனிதன் ஒருவருன் நுழைந்தான், அங்கு தொழில் அதிபரின் 18 வயது மகள் மெடிலின் புல்வர் மட்டும் தனியாக இருந்தார். முகமூடி அணிந்த அந்த மர்ம மனிதன் தான் வைத்து இருந்த வெடிகுண்டுகள் போன்ற பொருளை அவர் கழுத்தில் வலுக்கட்டாயமாக மாட்டினான். இதை கழுத்தில் இருந்து கழற்ற முயன் றால் உடனே வெடித்து விடும் என்று மிரட்டி விட்டு அவன் சென்று விட்டான்.

இதனால் பீதி அடைந்த அந்த பெண் தன் தந்தைக்கு டெலிபோன் செய்து தகவல் தெரிவித்தார். உடனே அவர் பொலிஸாருக்கு தெரிவித்தார். பொலிஸார் அந்த இடத்துக்கு விரைந்து அந்த பகுதியில் இருந்த மக்களை எல்லாம் அப்புறப்படுத்தினார்கள். தெருக்களில் போக்குவரத்து நிறுத்தப்பட்டது. மெடிலினை ஆடாமல் அசையாமல் இருக்கும்படி பொலிஸார் எச்சரித்தனர். வெடிகுண்டு நிபுணர்கள் வரவழைக்கப்பட்டு அவர்கள் அந்த பெண்ணின் கழுத்தில் இருந்த அந்த வெடிகுண்டு மாலையை சோதித்து பார்த்து அது வெடிகுண்டு அல்ல என்பது தெரியவந்த பிறகே அதை அகற்றினார்கள். அதன் பின்னர் பொலிஸார் நிம்மதி அடைந்தனர். மர்ம மனிதனை பொலிஸார் தேடி வருகிறார்கள்.

அட paavi