வாகன உதிரிபாகங்கள் சந்தை மதிப்பு ரூ.5லட்சம் கோடியாக வளர்ச்சி காணும்

by **நேசமுடன் ஹாசிம்** Sun 2 Oct 2011 - 6:11

இந்திய வாகன உதிரிபாகங்கள் சந்தை மதிப்பு தற்போது 3,000 கோடி டாலராக (1 லட்சத்து, 41 ஆயிரம் கோடி ரூபாய்) உள்ளது. இது, அடுத்த பத்தாண்டுகளில் 10,000 கோடி டாலராக ( 4 லட்சத்து, 70 ஆயிரம் கோடி ரூபாய்) உயரும் என மதிப்பிடப்பட்டுள்ளது. இது குறித்து, ஐகான் மார்க்கெட்டிங் கன்சல்டன்ட்ஸ் நிறுவனம் வெளியிட்டுள்ள அறிக்கையில் கூறியிருப்ப தாவது:நாட்டின் வாகன உதிரிபாகங்கள் துறை, ஆண்டுக்காண்டு சிறப்பான அளவில் வளர்ச்சி கண்டு வருகிறது. சென்ற 2010-11ம் நிதியாண்டில் இத்துறை, முதன் முறையாக 36 சதவீத வளர்ச்சி கண்டுள்ளது. அமெரிக்க நிறுவனங்கள் 200 கோடி டாலர் அளவிற்கு, புதிய முதலீடுகள் மேற்கொண்டதும், ஏற்றுமதி வாயிலான வர்த்தகம் 500 கோடி டாலராக உயர்ந்துள்ளதும், வாகன உதிரிபாகங்கள் சந்தை மதிப்பு உயர்வடைய துணை புரிந்துள்ளன. எனினும், நடப்பு 2011-12ம் நிதியாண்டில், வாகன உதிரிபாகங்கள் துறையின் வளர்ச்சி, சென்ற நிதியாண்டை விட 50 சதவீதம் குறைவாக, அதாவது 15-18 சதவீதம் என்ற அளவிற்கே இருக்கும் என தெரிகிறது.வட ஆப்பிரிக்கா மற்றும் மத்திய கிழக்கு நாடுகளில் ஏற்பட்டுள்ள அரசியல் குழப்பங்கள், முன்னேறிய நாடுகள் சந்தித்துள்ள பொருளாதார நெருக்கடி, நிலநடுக்கம், ”னாமியால் பாதிக்கப்பட்ட ஜப்பானில் தொழில் உற்பத்தியில் ஏற்பட்டுள்ள சரிவு போன்றவற்றின் தாக்கத்தால், இந்திய வாகன உதிரிபாகங்கள் சந்தையின் வளர்ச்சி குறையும் என்று எதிர்பார்க்கப்படுகிறது. மேலும், பணவீக்கம் அதிகரித்து வருவது, வட்டி விகித உயர்வு போன்றவையும், இத்துறையின் வளர்ச்சிக்கு தடை கற்களாக உள்ளன.நாட்டில் உற்பத்தியான வாகன உதிரிபாகங்களில், இரண்டு மற்றும் மூன்று சக்கர வாகனங்கள், பயணிகள் கார்கள் ஆகியவற்றுக்கான உதிரிபாகங்களின் பங்களிப்பு, மூன்றில் இரண்டு பங்கு என்ற அளவில் உள்ளது. கடந்த ஐந்தாண்டுகளில், வர்த்தக வாகன உதிரிபாகங்கள் பிரிவு, மிகச் சிறந்த வளர்ச்சியை கண்டுள்ளது.வாகன உதிரி பாகங்கள் சந்தையில், இன்ஜின் பாகங்களின் பங்களிப்பு, 31 சதவீதமாகவும், டிரான்ஸ்மிஷன் மற்றும் ஸ்டியரிங் பாகங்கள் 19 சதவீத பங்களிப்பையும், எஞ்சிய பங்களிப்பை சேசிஸ், சஸ்பென்ஷன், பிரேக், மின் சாதனங்கள் உள்ளிட்டவை கொண்டுள்ளன. அடுத்த பத்தாண்டுகளில், உள்நாட்டு வாகன உதிரிபாகங்கள் சந்தை, ஆண்டுக்கு 8 சதவீத அளவிற்கு வளர்ச்சி காணும். அதே சமயம் ஏற்றுமதி வளர்ச்சி, ஆண்டுக்கு 30 சதவீதம் என்ற அளவில் இருக்கும்.சர்வதேச வாகன உதிரிபாகங்கள் சந்தையில், இந்தியாவின் பங்களிப்பு கடந்த 2003-04ம் நிதியாண்டில் 0.4 சதவீதமாக இருந்தது. இது, வரும் 2015-16ம் நிதியாண்டில், 3 சதவீதத்திற்கும் அதிகமாக வளர்ச்சி அடையும்.