பெண் போலீசை காக்க வைத்த, பரோட்டா கடைக்காரரை, புரட்டியெடுத்த போலீசார்

தூத்துக்குடியில், பெண் போலீசை காக்க வைத்த, பரோட்டா கடைக்காரரை, புரட்டியெடுத்த பிரச்னையில், ஒரே ஸ்டேஷனைச் சேர்ந்த ஐந்து போலீசார், ஆயுதப்படைக்கு இடமாற்றம் செய்யப்பட்டனர்.
தூத்துக்குடி தென்பாகம், போலீஸ் ஸ்டேஷனை சேர்ந்த, பெண் போலீஸ் இருவர், கடந்த சனிக்கிழமையன்று இரவு, இங்குள்ள கடைக்கு பரோட்டா, ஆம்லெட் வாங்கச் சென்றனர். கூட்டமாக இருப்பதாகக் கூறி, போலீசாரை சிறிது நேரம் கடைக்காரர் காக்க வைத்துவிட்டு, பரோட்டா, ஆம்லெட் பார்சல் தந்தார். அந்த இருபெண் போலீசார், ஸ்டேஷனில் பணிபுரியும் சக போலீசாரிடம், இதுகுறித்து கூறினர். இதில், ஆத்திரமடைந்த, இன்ஸ்பெக்டர் கார் டிரைவர், ஏட்டு, சிறப்பு எஸ்.ஐ., ஆகியோர், பரோட்டா கடைக்குச் சென்று, அதன் உரிமையாளர், ஊழியர்களை ஸ்டேஷனிற்கு "அள்ளிவந்து' சரமாரியாக புரட்டியெடுத்தனர். ஆனால், இது குறித்து சம்பந்தப்பட்ட இன்ஸ்பெக்டருக்கு தெரிவிக்கப்படவில்லை.

ஐந்து பேர் இடமாற்றம்: இப்பிரச்னை, எஸ்.பி., நரேந்திரன் நாயர் கவனத்திற்கு கொண்டு செல்லப்பட்டது. எவ்வித புகாரும் இல்லாமல், வழக்கும் பதியாமல், பரோட்டாக்கடை உரிமையாளர், ஊழியர்களை ஸ்டேஷனில் வைத்து அடித்தது தவறு என கண்டித்த, எஸ்.பி., விசாரணையைத் துவக்கினார். இப்பிரச்னையில் தொடர்புடைய ஒரு சிறப்பு எஸ்.ஐ., இன்ஸ்பெக்டர் கார் டிரைவர், ஏட்டு மற்றும் இரு பெண் போலீசாரை, தென்பாகத்திலிருந்து ஆயுதப்படைக்கு இடமாற்றம் செய்து எஸ்.பி., உத்தரவிட்டார். அதன்படி, நேற்று அந்த, ஐந்து பேரும் ஆயுதப்படைக்குச் சென்று பொறுப்பேற்றுக் கொண்டனர்.

அட அதிரடிக்கு வெறும் இட மாற்றம்தானா இவர்களை புரோட்டா கடை காரர்களிடம் கொடுத்து கொஞ்ச நேரம் புரோட்டா [பொரட்டி] போட வேண்டாமா ..போலீஷுக்கு ஒரு நியாயம் சாமன்யனுக்கு வேறு நீதியா? அட பாவிகளா

ஆமாம் இது அனியாயம் பொலிஸ் என்றால் அவர்களுக்கு என்ன கொம்பா முளைச்சிருக்கு

jasmin wrote:அட அதிரடிக்கு வெறும் இட மாற்றம்தானா இவர்களை புரோட்டா கடை காரர்களிடம் கொடுத்து கொஞ்ச நேரம் புரோட்டா [பொரட்டி] போட வேண்டாமா ..போலீஷுக்கு ஒரு நியாயம் சாமன்யனுக்கு வேறு நீதியா? அட பாவிகளா