தோள்பட்டை வலுவடைய செய்யும் பயிற்சி

by *சம்ஸ் Thu 24 Oct 2013 - 19:12

இந்த உடற்பயிற்சி மேல்புற முதுகு, தோள்பட்டைகள் வலுவைச் சேர்க்கும். விரிப்பில் முதலில் நேராக நின்று கொள்ளவும்.பின்னர் டம்ப் பெல்லை இரண்டு கைகளிலும் தூக்கி கொண்டு நேராக நிற்க வேண்டும். அப்படி நிற்கும் போது, கால்கள் விரிந்திருக்க வேண்டும்.

உடலை சற்று முன்புறமாக குனிந்து முழங்கைகளை தோள்பட்டை வரை உயர்த்தி, எடையை ஒன்றாக நெஞ்சு வரை கொண்டு வாருங்கள். மீண்டும் எடையை ஆரம்பித்த நிலைக்கு கொண்டு வாருங்கள். இவ்வாறு தொடர்ந்து 15 முதல் 25 முறை செய்யலாம்.

ஆரம்பத்தில் குறைந்த எண்ணிக்கையில் செய்தால் போதுமானது. பின்னர் நன்கு பழகிய பின்னர் எண்ணிக்கையின் அளவை அதிகரித்து அதிக எண்ணிக்கையில் செய்யலாம். டம்ப்பெல்ஸ் இல்லாதவர்கள் ஒரே அளவுள்ள வாட்டர் பாட்டிலில் தண்ணீரை நிரப்பி செய்யலாம்.

இந்த பயிற்சியை தொடர்ந்து 3 மாதங்கள் செய்து வந்தால் நல்ல பலன் கிடைக்கும். இந்த பயிற்சியை ஜிம்முக்கு சென்று தான் செய்ய வேண்டும் என்பதில்லை. வீட்டில் தினமும் 20 நிமிடம் செய்தால் போதுமானது.