இளைஞர்களின் ‘தம்’ பழக்கம் சினிமாதான் முக்கிய காரணம்

இளைஞர்களுக்கு சிகரெட் பழக்கம் ஏற்படுவதற்கு முக்கிய காரணம் சினிமாதான் என்பது சமீபத்திய சர்வேயில் தெரியவந்துள்ளது. சினிமாக்கள் மூலம் சிகரெட், புகையிலை கம்பெனிகளுக்கு ஆண்டுதோறும் ரூ.30 ஆயிரம் கோடி வருமானம் கிடைக்கிறது என்றும் தெரியவந்துள்ளது.


தீவிரமாக நடக்கும் விழிப்புணர்வு பிரசாரங்களையும் மீறி, புகைப்பவர்கள் எண்ணிக்கை நாளுக்கு நாள் அதிகரித்து வருகிறது. புகை பிடிக்கும் பழக்கம் ஏன் உண்டாகிறது என்பது குறித்து அரசு சாரா அமைப்புகள், இந்திய தேசிய புகையிலை ஒழிப்பு நிறுவனம் (நோட்), மற்றும் கோவா தன்னார்வ சுகாதார சங்கம் இணைந்து ஆய்வு மற்றும் கருத்துக் கணிப்பு நடத்தின. இந்த ஆய்வில் தெரியவந்த தகவல்கள்: உலகம் முழுவதும் புகைப் பழக்கத்தை ஏற்படுத்திக் கொள்ளும் நபர்களின் எண்ணிக்கை நாளுக்கு நாள் அதிகரித்து வருகிறது. குறிப்பாக இளைஞர்கள் அதிகம் பேர் இப்பழக்கத்தில் விழுகின்றனர்.



இவர்களுக்கு புகை பிடிக்கும் பழக்கம் திடீரென எப்படி வந்தது என்று சர்வேயில் கேட்கப்பட்டது. இதில் பலர் கூறியது அதிர்ச்சியை ஏற்படுத்துகிறது. 54 சதவீத இளைஞர்களும் 30 சதவீத பொதுமக்களும் ‘சினிமா பார்த்து புகை பிடிக்க ஆரம்பித்தோம்’ என்று கூறியிருக்கின்றனர்.

சிகரெட், புகையிலை கம்பெனிகளுக்கு சினிமாக்களால் ஒவ்வொரு ஆண்டும் 30 ஆயிரம் கோடி ரூபாய் வருமானம் கிடைக்கிறது. உலக அளவில் இந்தியா, சீனாவில் மட்டுமே புகையிலை பழக்கத்தால் உயிரிழப்போர் எண்ணிக்கை அதிகம். இப்பழக்கத்தால் உலகம் முழுவதும் சராசரியாக தினமும் ஒரு மணி நேரத்தில் 114 பேர் இறக்கின்றனர்.

மக்களுக்கு நல்வழி காட்ட வேண்டிய உலக சினிமா, வியாபார நோக்கில் செய்து வரும் தவறுகளால் மக்கள் பல்வேறு தீய பழக்கங்களுக்கு ஆட்பட்டு உயிரிழப்புகள் அதிகரித்து வருகிறது. புகை பழக்கத்துக்கு அடிமையாகி நுரையீரல் மற்றும் உறுப்புகள் பாதிக்கப்பட்டு ஆஸ்பத்திரியில் உயிருக்கு போராடுபவர்களை பார்த்தால், சினிமாவில் எந்த நடிகரும் சிகரெட் பிடிக்க மாட்டார்.




தொடர் விழிப்புணர்ச்சிகள் மூலம் கோவா, பஞ்சாப் மாநிலங்களில் புகை பிடிப்போர் எண்ணிக்கை குறைந்து தற்போது முறையே 9, 15 என்ற சதவீதமாக உள்ளது. 30 வயதுக்கு குறைந்தவர்களின் எண்ணிக்கை இந்தியாவில் அதிகம். புகை பழக்கத்தில் இருந்து இளைஞர்கள் விடுபடவும் புகைப் பழக்கம் இல்லாத சமுதாயம் உருவாகவும் நடிகர்கள், மீடியாக்களின் ஒத்துழைப்பு அவசியம். இவ்வாறு ஆய்வில் தெரிவிக்கப்பட்டுள்ளது.

- தினகரன்-

-
சாத்தான் வேதம் ஓதிகிறது என்பார்கள்..!
-
அரசே மது விற்பனை செய்கிறது..!
ஆனால் மது குடித்தால் தீமையாம்..!!
-
சிகரெட் குடித்தால் உடல் நலத்துக்கு கேடு
என்று அந்த சிகரெட் பெட்டியில் போட வேண்டும்..
அவ்வளவுதான்...!
-
விழிப்புணர்ச்சி ஏற்படுத்தி விட்டோம் என்று
திருப்தி பட்டுக்கொள்ள வேண்டியதுதான்..!!!
-

சிகிரெட் பிடிப்பதை நாகரீகம் என்றும் ,சினிமாவின் இடையில் விளம்பரமும்,புகைப்பிடிக்கும் போது ஸ்கோரிங் இருக்கும் ஆனால் இவர்கள் நிறுத்தமாட்டார்கள்...பணத்திற்கு படம் எடுப்பார்கள் புகைக்காமல் எடுத்தால் என்ன ? பல மனங்களில் காயம் நீங்கள் கொடுக்கும் செய்தியில் மனிதன் செயல் இழக்கிறான்..
அதை நவ நாகரிக ஸ்டைல் என்றும் தனக்கு இருந்த நடிப்பு திறமையால் மூளைச் சலவை செய்து பல இளைஞர்களின் வாழ்கையை சிதைத்த பெருமை அந்த பிரபல நடிகரையே சேரும்...

பெட்டிக்கடை முதல் சூப்பர் மார்க்கெட் வரை சிகிரெட் விற்பதை நிறுத்த அரசு நடவடிக்கை எடுத்தல் அவசியம்..

பின் முதுமையில் அவர் உடல் ஒத்துழைக்காமல் அப்பழக்கத்தை விட்ட பின், இளைஞர்களின் நலன் கருதியே அவர் திரையில் அவ்வாரு தோன்றுவதில்லை என்று தம்பட்டம் அடித்ததும் அந்த நடிகரின் ரசிகர்களையே சேரும்...

இறைவா!என்று விழித்துக் கொள்ளும் என் தேசம்...

பயனுள்ள பதிவு..
-

தவிர்ப்போம் புகையிலை !        நீட்டிப்போம் ஆயுளை !!
-

rammalar wrote:பயனுள்ள பதிவு..
-

தவிர்ப்போம் புகையிலை !        நீட்டிப்போம் ஆயுளை !!
-

நாளைய  குழந்தைகளின் வாழ்வில் இன்றைய நம்மில் உள்ளது..நேற்றே நம் முன்னோர்கள் தவிர்த்திருந்தால் நாம் மனம் நோக வாய்ப்பு குறைவு..

புகைப்பிடிப்பனை பார்த்து எங்கே திருந்தபோகுது என்று செல்லாமல் ..எடுத்து சொல்வோம்..அவரை மீண்டும் புது வாழ்வு எடுக்க உதவுவோம்..

புகைப்பிடிப்பவரை விட புகைக்கும்போது அருகில் இருப்பவரே அதிகம் சாகின்றனர்..அதனால் நாமே அதற்கு பொறுப்பு எடுப்போம்.....