பல்வேறு நோய்களுக்கு நிவாரணமளிக்கும் அறுகம் புல்

பல்வேறு நோய்களுக்கு நிவாரணமளிக்கும்

அறுகம் புல்


அறுகம்புல்லின் துளிர் இலைகள், அதன் கட்டைகள் (தண்டு), வேர் ஆகிய அனைத்துமே மருத்துவப் பயன்களை உடையன ஆகும். அறுகம்புல் தோலின் மேல் ஏற்படும் வெண்புள்ளிகளை குணப்படுத்த வல்லது.
மேலும் சிறுநீரகக் கோளாறுகள் (சிறுநீரில் ரத்தம் கலந்து வெளியேறுதல் உட்பட), ஆஸ்துமா என்னும் மூச்சு முட்டல், உடலில் ஏற்படும் துர்நாற்றம், நெஞ்சுச்சளி, தீப்புண்கள், கண்களில் ஏற்படும் தொற்றுநோய்கள், உடற்சோர்வு, ரத்தத்தில் உள்ள சர்க்கரை சத்து அதிகப்படுதல், வயிற்றுப் போக்கு ஆகிய நோய்களையும் போக்க வல்லது.
மேற்கூறிய நோய்கள் மட்டுமன்றி பின்வரும் பெயர்களுடைய ஏராளமான நோய்களையும் அறுகம்புல் வேரறுக்க வல்லது. அவை பின்வருமாறு,
1. புற்றுநோய்க்கு எதிரானது
2. சர்க்கரை நோயை சீர் செய்ய வல்லது
3. வயிற்றுப் போக்கை குணப்படுத்துவது
4. குமட்டல், வாந்தி இவற்றை தணிக்கக் கூடியது
5. நுண்கிருமிகளைக் தடுக்க வல்லது
6. உற்சாகத்தைத் தரவல்லது (ரத்தத்தில் பிராணவாயுவை அதிகப்படுத்தவல்லது)
7. மூட்டுவலிகளைத் தணிக்கக்கூடியது
8. கிருமித் தொற்றினைக் கண்டிக்க வல்லது
9. வற்றச் செய்வது
10. அகட்டு வாய் அகற்றி
11. கருத்தடைக்கு உகந்தது
12. குளிர்ச்சி தரவல்லது
13. மேற்பூச்சு மருந்தாவது
14. சிறுநீரைப் பெருக்க வல்லது
15. கபத்தை அறுத்து வெளித்தள்ளக்கூடியது
16. ரத்தத்தை உறையவைக்கும் தன்மை உடையது
17. மலத்தை இளக்கக்கூடியது
18. கண்களுக்கு மருந்தாவது
19. உடலுக்கு உரமாவது
20. ரத்தக் கசிவைக் கட்டுப்படுத்தக் கூடியது
21. காயங்களை ஆற்ற வல்லது.


தினகரன்

பகிர்வுக்கு நன்றி