வீடு வீடாவாக இருக்கு?

by **rammalar** Mon 9 May 2016 - 11:33

வீட்டை சுத்தப்படுத்துவது ஒரு கலை
அந்த விஷயத்தில் பெரிய நிபுணர்கள் இருக்கிறார்கள்.
அவர்களிடம் எப்பேர்ப்பட்ட குப்பையான வீட்டைக்
கொடுத்தாலும் சரி, பரபரவென்று தேவையற்றவற்றை
வெளியேற்றி மீதமிருப்பவற்றை ஒழுங்குப்படுத்தி
வைத்துவிடுவார்கள்.
–
‘இந்த வீட்டில் இவ்வளவு இடம் இதற்கு முன்னாள்
இருந்ததா!’ என்கிற ஆச்சர்யமே ஏற்படும்.
–
இதற்கு நேரெதிராக ‘எனக்குக் கலைக்கத்தான் தெரியும்
என்கிறவர்களும் உண்டு. இவர்களிடம் எத்துணை
ஒழுங்கான வீட்டைக் கொடுத்தாலும் சரி, அரைமணி
நேரத்தில் அதை மகாமோசமாக மாற்றிவிடுவார்கள்.
–
இவர்கள் என்னதான் பெரிய வீட்டில் வசித்தாலும்,
‘இடமே போதலை’ என்பார்கள்.
–
நம் உலகில் முதல்வகை நிபுணர்கள் குறைவு.
இரண்டாவம் வகை நிபுணர்கள் தான் அதிகம்.
ஆகவே, வீடுகள், அலுவலகங்கள், பயணப்பெட்டிகள்,
மேசைகள், நூலகங்கள்… எங்கே பார்த்தாலும்
ஒழுங்கற்றதன்மை.
–
இதுமாதிரி ஆள்களுக்கென்றே விசேஷ வகுப்புகளை
நடத்துகிறார் மேரி கொண்டோ என்ற ஜப்பானிய நிபுணர்
‘Decluttering Expert’ என்று அழைக்கப்படும்
இவரிடம் உலகெங்கிலுமிருந்து ஆயிரக்கணக்கானோர்
வந்து பயிற்சி பெறுகிறார்கள்..
–

by **rammalar** Mon 9 May 2016 - 11:33

எதையும் கச்சிதமாக வைத்திருப்பது அந்த ஒழுங்கைப்
பாதுகாப்பது, அதன் மூலம் தங்களுடைய ஆளுமையை
மேம்படுத்திக் கொள்வது போன்றவற்றைத் தெரிந்து
கொள்கிறார்கள்.
–
இவருடைய ஒழுங்கமைப்புமுறை ‘KonMari Method’
எனப்படுகிறது.
–
தன்னுடைய தனித்துவமான ஒழுங்கமைப்பு நுட்பங்களை
மேரி கொண்டோ பல புத்தகங்களாக எழுதியிருக்கிறார்.
இப்போது அவை ஆங்கிலத்திலும் வெளியாகத் தொடங்கி
இருக்கின்றன. அந்த வகையில் அவரது அட்டகாசமான
லேட்டஸ்ட் வெளியீடு. Spark Joy.
–
இந்தப் புத்தகத்தில் வீட்டை ஒழுங்குப்படுத்துவதற்காக
மேரி கொண்டோ விவரித்திருக்கும் ஆறு கட்டளைகளை
ஆண்கள், பெண்கள் எல்லாரும் பின்பற்றலாம். பிறர்
மத்தியில் மரியாதையைப் பெருக்கிக் கொள்ளாலாம் அவை:
–

by **rammalar** Mon 9 May 2016 - 11:34

1. ஒழுங்குபடுத்துதல் என்பது தனியே நேரமொதுக்கி்
செய்ய வேண்டிய வேலை அல்ல, அதற்கு உங்கள் மனம்
உடன்பட வேண்டும். அதன் பிறகு, தினசரி நீங்கள் செய்கிற
வேலைகளிலேயே அது கலந்து விடும்.
–
அதாவது, பொருள்களைக் கண்டபடி போடாமல் வைக்கும்
போதே ஒரு பொழுளை ஒழுங்காக வைக்கவேண்டும்,
இதற்கு மனத்தை தயார்படுத்த வேண்டும்.
–
02. எல்லாவற்றையும் ஒழுங்காக அமைத்தபிறகு உங்கள்
வீடு (அல்லது மேசை) எப்படி இருக்கும் என்று கற்பனை
செய்து பாருங்கள். அந்த அழகிய வீட்டை நோக்கித்தான்
உங்களுடைய ஒவ்வொரு நடவடிக்கையும் இருக்கவேண்டும்.
–
03. தேவையில்லாதவற்றைத் தூக்கி எறியுங்கள். அதைச்
செய்யாதவரை உங்கள் வீடு ஒழுங்காகாது.
வீட்டை ஒழுங்காக வைத்துக் கொள்ள நினைக்கிறவரின்
முதல் எதிரி, எப்போதாவது பயன்படும் என்கிற நினைப்புதான்.
இதனால், காரணமே இல்லாமல் பல விஷயங்களைச்
சேமித்து வைத்திருப்பார்கள். இவை வீட்டின் பெரும்பகுதியை
ஆக்கிரமித்துக் கொண்டுவிட்டால், மீதமிருக்கும் இடத்தில்
பயனுள்ள பொருள்களை அடுக்கிவைப்பது மிகவும் சிரமம்.
–
04. ஒவ்வொரு அறையாக ஒழுங்குபடுத்தவேண்டாம்,
ஒவ்வொருவகையாக ஒழுங்குப்படுத்துங்கள். வீட்டை
ஒழுங்குபடுத்துகிறேன் என்று வேலையைத் தொடங்குகிற
பலர், முதலில் ஓர் அறையில் ஆரம்பிப்பார்கள். அதை
ஒழுங்குபடுத்திவிட்டு அடுத்த அறைக்குச் செல்வார்கள்.
அங்கிருந்து இன்னோர் அறை.. இப்படி வேலையை முடித்து
விட்டுப் பார்த்தால், வீடு ஒழுங்காக இருக்கிறது என்கிற
எண்ணமே ஏற்படாது.
–
காரணம், அவர்கள் ஓர் அறையில் இருக்கிற குப்பையை
இன்னோர் அறைக்குத்தான் கொண்டு சென்றிருப்பார்கள்.
வீணான எதையும் கண்டறிந்து அகற்றியிருக்க மாட்டார்கள்.
–
அதற்குப்பதிலாக ஆடைக் என்று எடுத்துக் கொண்டால்,
எல்லா அறைகளிலும் இருக்கிற ஆடைகளையெல்லாம்
ஒரே இடத்தில் கொண்டு வர வண்டும். அவற்றை வகை
ப்படுத்தி சரியான இடங்களில் அடுக்க வேண்டும்.
ஒழுங்குபடுத்தவேண்டும்.
–
05. பொருள்களை ஒழுங்குபடுத்தும்போது, இந்த
வரிசையைப் பின்பற்றலாம். ஆடைகள், புத்தகங்கள்,
ஆவணங்கள், மற்றவை, சென்டிமென்டல் பொருட்கள்.
பல நேரங்களில் வீட்டைச் சுத்தப்படுத்த
ஆரம்பிக்கிறவர்கள் எங்கோ பெட்டியில் கிடைத்த ஒரு
புகைப்பட ஆல்பத்தைப் பார்த்துக் கொண்டு உட்கார்ந்து
விடுவார்கள். இதைப்பார்த்து எவ்ளோ நாளாச்சு என்று
மகிழ்வார்கள்.
–
அந்த மகிழ்ச்சி முக்கியம்தான். ஆனால், இப்போதைய
வேலையை அது கெடுத்துவிடுகிறதே!
–
06. ஒவ்வொரு பொருளும், மகிழ்ச்சியைத் தருகிறதா
என்று யோசிக்கவேண்டும்.
KonMari முறையின் முக்கியமான அடிப்படை,
‘எந்தப் பொருளை அகற்றுவது’ என்பதல்ல. ‘எந்தப்
பொருளை வைத்துக் கொள்வது’ என்பதுதான்.
–
அப்படி நாம் விரும்புகிற, நமக்கு மகிழ்ச்சியைத் தருகிற
பொருள்களை மட்டுமே நம்மைச் சுற்றி வைத்துக்
கொண்டால், வீடும் ஒழுங்காக இருக்கும். வாழ்க்கையும்
மகிழ்ச்சியாக இருக்கும்.
–
—————————
– என். சொக்கன்
குமுதம்

by **Nisha** Mon 9 May 2016 - 14:08

அதாவது, பொருள்களைக் கண்டபடி போடாமல் வைக்கும்
போதே ஒரு பொழுளை ஒழுங்காக வைக்கவேண்டும்,
இதற்கு மனத்தை தயார்படுத்த வேண்டும்.

by Sponsored content

வீடு வீடாவாக இருக்கு?

வீடு வீடாவாக இருக்கு?

Re: வீடு வீடாவாக இருக்கு?

Re: வீடு வீடாவாக இருக்கு?

Re: வீடு வீடாவாக இருக்கு?

Re: வீடு வீடாவாக இருக்கு?