நான் ஒரு முஸ்லிம்!

by **abuajmal** Mon 27 Jun 2011 - 16:25

http://tndawa.blogspot.com/2011/04/blog-post.html
நான் சரியான இஸ்லாமிய அடிப்படையில் வாழ்கிறேனோ இல்லையோ, இருந்தாலும்... நான் ஒரு முஸ்லிம்!

மார்க்க சம்பந்தாமான அறிவு எனக்கு இருக்கிறதோ இல்லையோ, இருந்தாலும்... நான் ஒரு முஸ்லிம்!

என் மனைவி – மக்கள், குடும்பத்தினருக்கு நான் இஸ்லாத்தைப் பற்றி கூறி நல்வழிப் படுத்துகிறேனோ இல்லையோ, இருந்தாலும்... நான் ஒரு முஸ்லிம்!

எனது இல்லத்தில் இஸ்லாத்திற்கு மாறான செயல்கள் நடப்பதைக் கண்டும் காணாமல் இருந்து விடுகிறேன், இருந்தாலும்... நான் ஒரு முஸ்லிம்!

மறுமை நாளைக்காக நான் எதை சேர்த்து வைத்திருக்கிறேன் என்று எண்ணிப் பார்க்க இந்த அவசர கால உலகத்தில் எங்கே முடிகிறது இருந்தாலும்... நான் ஒரு முஸ்லிம்!

ஐந்து வேளைத் தொழுவது கடமை என்பது எனக்குத் தெரியும். ஆனால் என் வேலைப் பளுவினால் என்னால் தொழமுடியவில்லை, இருந்தாலும்... நான் ஒரு முஸ்லிம்!

ரமலானில் நோன்பு வைப்பது கட்டாயம் என்பது சிறுபிள்ளைக்கும் தெரியும். இருப்பினும் பசி தாகம் சமாளிக்க.. நோன்பு வைக்க என்னால் முடியவில்லை, இருந்தாலும்... நான் ஒரு முஸ்லிம்!

என் தொழிலில் பணம் கொட்டோ கொட்டு என்று கொட்டுகிறது. எனினும் கணக்குப் பார்த்து ஜகாத் கொடுத்திட மனம் இடம் தரவில்லை, இருந்தாலும்... நான் ஒரு முஸ்லிம்!

என் வாழ்நாள் முழுவதும் ஓடி ஓடி உழைத்து ஓரளவு என் குடும்பத்திற்காக உழைத்து சேர்த்து ஓய்ந்து விட்டேன். இப்போது ஹஜ் செல்லும் அளவுக்கு என் உடலில் தெம்பு இல்லை இருந்தாலும்... நான் ஒரு முஸ்லிம்!

வீட்டில் அபிவிருத்தி வேண்டி மவ்லீது ராத்தீபுகளை புது புது மெட்டுகளில் ஓதி இறையருள் பெற முயற்சிக்கிறேன். இதெல்லாம் தவறு என்று உள்மனம் கூறுகிறது, இருந்தாலும்... நான் ஒரு முஸ்லிம்!

உன்னையே வணங்குகிறோம், உன்னிடமே உதவி கோருகிறோம்! என்று தொழுகையில் ஓதிவிட்டு அவ்லியாக்கள், பெரியார்களிடம் உதவி தேடுவது என் இரத்தத்தில் ஊறிப்போய்விட்டது, இருந்தாலும்... நான் ஒரு முஸ்லிம்!

என் நாட்டம் நிறைவேற சலவாத்துன்னாறியா 4444 தடவை ஓதி துஆ கேட்கிறேன். இது குர்ஆன்-ஹதீஸில் இல்லை என்றாலும் என் மன ஆறுதலுக்காக, அபிவிருத்திக்காக இதை ஓதுவதற்கு ஏற்பாடு செய்கிறேன். இருந்தாலும்... நான் ஒரு முஸ்லிம்!

பால்கிதாப்-பில்லி-சூனியம்-ஏவல்-தகடு-தட்டு-தாயத்து-பேய்-பிசாசு-ஆவி எல்லாம் நம்புகிறேன், இருந்தாலும்... நான் ஒரு முஸ்லிம்!

பூனை குறுக்கே செலவது, பல்லி தலையிலே விழுவது, ஆந்தை அலருவது, காகம் கரைவது, ஸஃபர் பீடை மாதம்-கெட்ட சகுனம் என எல்லாம் பார்த்து பார்த்து ஒவ்வொரு வேலையும் (ஹராம் என்று தெரிந்தும் ) செய்கிறேன், இருந்தாலும்... நான் ஒரு முஸ்லிம்!

பலர் பாராட்ட கத்னா-பூப்புனித நீராட்டு விழாவை விமரிசையாக நான் நடத்துகிறேன், இருந்தாலும்... நான் ஒரு முஸ்லிம்!

புதுமனை புகுவிழாவிற்கு பால் காய்ச்சி விழா நடத்துகிறேன். குழந்தைக்கு தர்காவில் சென்று முடி இறக்கி மொட்டை போடுகிறேன். அவ்லியா சன்னிதானத்தில் ஆடு, சேவல் பலி தருகிறேன், இருந்தாலும்... நான் ஒரு முஸ்லிம்!

என் அம்மாவின் கடைசி ஆசைக்காகத்தான் மஹர் கொடுத்து மணம் புரியாமல் வரதட்சணை வாங்கிக் கொண்டு திருமணம் செய்தேன். என் மனைவியின் ஆசைக்காகத்தான் சுன்னத்தான தாடியை சிரைத்துவிட்டேன், இருந்தாலும்... நான் ஒரு முஸ்லிம்!

என் தந்தையின் வற்புறுத்தலால் என் மகன் திருமணத்தை மேள தாளத்துடன் யானை ஊர்வலத்துடன் மிக ஆடம்பரத்துடன் நடத்துகிறேன், இருந்தாலும்... நான் ஒரு முஸ்லிம்!

வட்டி வாங்கக்கூடாது என்று வான் மறைக்கூறினாலும் கூட என் தொழில் வளர்ச்சிக்காக குறைந்த வட்டியில் வீடுகட்ட, கடை ஆரம்பிக்க, பைக் சவாரிக்காக வட்டி வாங்க வேண்டிய நிர்பந்தம். என்ன செய்வது? இருந்தாலும்... நான் ஒரு முஸ்லிம்!

லாட்டரி சூதாட்டம்தான். அரசு அதனை தடை செய்திருந்தாலும் என்ன? நான் வெளி மாநில லாட்டரி சீட்டுகளை வாங்கி மறைத்து விற்பனை செய்து வருகிறேன், இருந்தாலும்... நான் ஒரு முஸ்லிம்!

குடி குடியைக் கெடுக்கும்! மது ஹராம்தான், ஆனால் எனக்கு டாஸ்மார்க் கம்பெனியில்தான் வேலை கிடைத்தது. கைநிரைய சம்பாதிக்கிறேன், இருந்தாலும்... நான் ஒரு முஸ்லிம்!

சினிமா பார்க்கக் கூடாதாம்! இந்த காலத்தில் நடக்கக்கூடிய காரியமா என்ன? பேரும் புகழும் பேரின்பமும் பெற்றுத் தரும் கனவுத் தொழிற்சாலையல்லவா அது! பாம்பு மட்டும்தான் படம் எடுக்குமா? மக்கள் பாராட்டும் விதமாக நான் கூட படம் எடுக்கிறேன், இருந்தாலும்... நான் ஒரு முஸ்லிம்!

அளவு நிறுவையில் மோசடி கூடாதாம். வியாபாரத்தில் பொய் கூடாதாம். (பரக்கத்) இறையருள் கிடைக்காதாம். பொய் சொல்லாமல், மோசடி செய்யமல் எப்படி விரைவில் பணக்காரன் ஆவதாம்? இருந்தாலும்... நான் ஒரு முஸ்லிம்!

ஒரு சாண் நிலம் ஆக்கிரமிப்பு செய்தாலும் மறுமையில் ஒரு பூமி அளவு நிலத்தை நான் சுமக்க வேண்டுமாம். பலரின் நிலத்தை ஆக்கிரமிப்பு செய்த, அந்த நிலத்தை திரும்பக் கொடுத்து விட்டு என் பிள்ளைகளுக்கு எதைக் கொடுத்துவிட்டுப் போவதாம்? இருந்தாலும்... நான் ஒரு முஸ்லிம்!

மண்ணாசை, பெண்ணாசை, பொன்னாசை கூடாதாம். பிறகு எதற்கு உலகத்தில் வாழ்வதாம்? இருந்தாலும்... நான் ஒரு முஸ்லிம்!

கடவுள், பாவம், புண்ணியம், நீதி, நியாயம், உண்மை என்கிறவற்றில் நம்பிக்கை கிடையாது. ஏதோ உலகத்திலே பிறந்துட்டோம். முளைக்கிற செடி வளர்ந்து மரமாகிற மாதிரி நாமும் வளர்ந்துட்டோம். ஏதோ வாழந்துட்டு இருக்கிறோம். ஊரோடு இணைந்து போகத்தானே வேண்டும். இஸ்லாமிய அடிச்சுவட்டில் இக்காலத்தில் வாழ்ந்தால் உலகம் நகைக்காதா? இருந்தாலும்... நான் ஒரு முஸ்லிம்!

ரேசன் கார்டிலும், வாக்காளர் அட்டையிலும், பள்ளி கல்லூரி சான்றிதழ்களிலும் மட்டுமே முஸ்லிமாக வாழ்பவர்களே! சிந்தியுங்கள். நமது வாழ்வும். மரணமும் தூய இஸ்லாத்தின் அடிப்படையில் மட்டுமே அமைந்திட வேண்டும் என்பதை உள்ளத்தில் பதித்துக் கொள்ளுங்கள்.

நன்றி: அல் ஜன்னத்
http://tndawa.blogspot.com/2011/04/blog-post.html

by **நேசமுடன் ஹாசிம்** Mon 27 Jun 2011 - 16:43

முகத்திலறைவதுபோல் கேள்விகள் கேட்கப்பட்டு பதில் எம்மிடமே நாம் கேட்குமளவு அற்புதமான பதிவு சகோ உண்மை நிலைமை இது இன்றய இஸ்லாமிய சமூகத்தில் இதுதான் மேலோங்கிருக்கிறது
பெயரளவில் முஸ்லிம் செயல்கள் அத்தனையும் இஸ்லாத்துக்கு மாற்றமாக

ஒவ்வொருவரும் தனக்குள் கேட்க வேண்டிய கேள்விகள்
நல்ல பகிர்வு நன்றி சேகோ

by **abuajmal** Mon 27 Jun 2011 - 16:58

by *சம்ஸ் Mon 27 Jun 2011 - 21:16

ஒவ்வொருவரும் தனக்குள் கேட்க வேண்டிய கேள்விகள்

பதிவாக தந்தமைக்கு நன்றி தோழரே ##*

by **kalainilaa** Mon 27 Jun 2011 - 22:12

நடந்தது நடந்தவையாக இருக்கட்டும் .
இனி நடப்பதும்,நடந்து வரும் முஸ்லிம் ,முஸ்லிமுக்குள்,நடக்கும்
திரை மறைவு ,சண்டைகள் அகலட்டும்.
அல்லாவின் துணையால் நாம் அனைவரும் ,அனைத்தும் மறப்போம் .முஸ்லீம்களாய்,ஒன்றாய் வாழ்வோம் ..முஸ்லீமாய் மறைவோம்.

by *சம்ஸ் Mon 27 Jun 2011 - 22:26

kalainilaa wrote:நடந்தது நடந்தவையாக இருக்கட்டும் .
இனி நடப்பதும்,நடந்து வரும் முஸ்லிம் ,முஸ்லிமுக்குள்,நடக்கும்
திரை மறைவு ,சண்டைகள் அகலட்டும்.
அல்லாவின் துணையால் நாம் அனைவரும் ,அனைத்தும் மறப்போம் .முஸ்லீம்களாய்,ஒன்றாய் வாழ்வோம் ..முஸ்லீமாய் மறைவோம்.

@. @. @.

by **abuajmal** Mon 27 Jun 2011 - 23:14

by **நண்பன்** Mon 27 Jun 2011 - 23:17

ஒவ்வொரு முஸ்லீம் சகோதரர்களும் சிந்திக்க வேண்டிய விசயம் நன்றி சகோதரா

by **ஹம்னா** Tue 28 Jun 2011 - 6:38

##* ##* ##* ##* ##* ##* ##* ##* ##*

by **இன்பத் அஹ்மத்** Tue 28 Jun 2011 - 7:50

ரேசன் கார்டிலும், வாக்காளர் அட்டையிலும், பள்ளி கல்லூரி சான்றிதழ்களிலும் மட்டுமே முஸ்லிமாக வாழ்பவர்களே! சிந்தியுங்கள். நமது வாழ்வும். மரணமும் தூய இஸ்லாத்தின் அடிப்படையில் மட்டுமே அமைந்திட வேண்டும் என்பதை உள்ளத்தில் பதித்துக் கொள்ளுங்கள்.

@. #+

by **Atchaya** Tue 28 Jun 2011 - 13:00

ஒரு தாயின் வயிற்றில் பிறந்த மனிதக் குழந்தை, கடவுள் நம்பிக்கை கொண்டு வாழ்கிறதா? இல்லையா? இது பிரச்சினை இல்லை. ஆனால் மனிதன் மனசாட்சி எனும் தெய்வத்தை மறந்து வாழ்வது தான் முக்கிய விஷயமாக உள்ளது. அதன் வெளிப்பாடு தான் உங்களின் வினாவும் பதிலும். சிந்திக்க வேண்டிய சீர் தூக்கி பார்க்கப்பட வேண்டிய விஷயத்தை எளிமையாய் துணிச்சலாக பதிந்தமைக்காக பாராட்டுக்கள்.

by **நண்பன்** Tue 28 Jun 2011 - 13:06

mravi wrote:ஒரு தாயின் வயிற்றில் பிறந்த மனிதக் குழந்தை, கடவுள் நம்பிக்கை கொண்டு வாழ்கிறதா? இல்லையா? இது பிரச்சினை இல்லை. ஆனால் மனிதன் மனசாட்சி எனும் தெய்வத்தை மறந்து வாழ்வது தான் முக்கிய விஷயமாக உள்ளது. அதன் வெளிப்பாடு தான் உங்களின் வினாவும் பதிலும். சிந்திக்க வேண்டிய சீர் தூக்கி பார்க்கப்பட வேண்டிய விஷயத்தை எளிமையாய் துணிச்சலாக பதிந்தமைக்காக பாராட்டுக்கள்.

@. @.

by **abuajmal** Tue 28 Jun 2011 - 17:51

by Sponsored content

நான் ஒரு முஸ்லிம்!

நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!

Re: நான் ஒரு முஸ்லிம்!