திருநங்கைக்கு சிபாரிசு செய்யும் அனுஷ்கா

வானம்” படத்தில் அனுஷ்காவுடனேயே ஒரு திருநங்கையும் நடித்திருப்பார்.
படத்தில் மட்டும் தான் அவர் திருநங்கை. நிஜத்தில் ஒரு ஆணாக இருக்குமோ என்றெல்லாம் விவாதிக்கும் ரசிகர்களுக்கு ஒரு அதிர்ச்சி செய்தி, அவர் நிஜத்திலும் ஒரு திருநங்கை தான். அதைவிட அதிர்ச்சி, இந்த திருநங்கை அனுஷ்காவின் பர்சனல் மேக்கப் வுமன்.

பொதுவாக எல்லா நடிகைகளுமே தனக்காக பணியாற்றும் உதவியாளர்களையும் மேக்கப், டச்சப், ஹேர் டிரஸ்சர் போன்ற இதர பணியாளர்களை ஒரு அளவை தாண்டி வளர விட மாட்டார்கள். சம்பள உயர்வுக்கோ, சாப்பாட்டின் தரத்துக்கோ, தங்கும் அறைக்கோ அவரவர் பிரச்சினையை அவரவர் பேசிக் கொள்ளட்டும். நமக்கெதுக்கு என்று ஒதுங்கிக் கொள்வார்கள்.

அந்த விடயத்தில் தனக்கு கொடுக்கிற வசதி தன் உதவியாளர்களுக்கும் வேண்டும் என்று நினைப்பவர் நயன்தாரா தான் என்று மெச்சி புகழ்கிறார்கள் இதுபோன்ற பணியாளர்கள். அவருக்கு அடுத்தபடியாக இந்த நல்ல பெயரை தட்டிக் கொண்டு போவது அனுஷ்காவே தான்.

”வானம்” படத்தில் இப்படி ஒரு கதாபாத்திரத்தில் நடிக்க ஆள் தேடிக் கொண்டிருந்தபோது நிக்கியே நடிப்பாளே என்று இவர் பக்கம் கை காட்டியதே அனுஷ்காதானாம். அதுமட்டுமல்ல, இப்போது கூட கதை சொல்ல வரும் இயக்குனர்களிடம் நிக்கிக்கும் ஒரு கதாபாத்திரம் கொடுங்க. நல்லா நடிப்பா என்று சிபாரிசு செய்வதாக சந்தோஷப்படுகிறார் நிக்கி.