சினிமாவை விட்டு விலகவில்லை -நயன்தாரா பரபரப்பு.!

by **நேசமுடன் ஹாசிம்** Tue 19 Jul 2011 - 11:20

நயன்தாராவுக்கும் பிரபுதேவாவுக்கும் விரைவில் திருமணம் நடக்க உள்ளது. திருமணத்துக்கு பின் நயன்தாரா நடிக்க மாட்டார் என செய்தி பரவி உள்ளது.

தெலுங்கில் நயன்தாரா கடைசியாக நடித்த ராம ராஜ்ஜியம் படத்தின் படப்பிடிப்பு சில தினங்களுக்கு முன் முடிந்தது.படப்பிடிப்பின் கடைசி நாளில் அவர் அழுது விட்டார். படக்குழுவினர் அனைவரிடமும் பிரியா விடை பெற்று புறப் பட்டுச்சென்றார். ராம ராஜ்ஜியம் அவரது கடைசி படம் என்று கூறப்பட்டது.

இதுபற்றி நயன்தாராவிடம் கேட்டபோது, அவர் கூறியதாவது:-

நான் சினிமாவை விட்டு விலகப்போவதாக யார் சொன்னது. அப்படி எந்த முடிவும் எடுக்கவில்லை.ராம ராஜ்ஜியம் படப்பிடிப்பில் அழுததற்கான காரணமே வேறு. ஒரு பெண் மனவேதனையை தனது குடும்பத்தினரிடமோ, கணவரிடமோ அல்லது நண்பர்களிடமோ வெளிப்படுத்துவது உண்டு.

ஆனால் ராம ராஜ்ஜியம் படப்பிடிப்பில் என்னையும் மீறி அது வெளிப்பட்டு விட்டது. கட்டுப்படுத்த முடியாமல் அழுது விட்டேன். படப்பிடிப்பு குழுவினர் பாட்டு பாடி என்மேல் பூக்களை தூவி வழியனுப்பினார்கள்.அதனால் அழுதேன்.

2010-ல் நான் நடித்த எல்லா படங்களும் ஹிட்டானது. தெலுங்கில் சிம்ஹா, மலையாளத்தில் எலக்ட்ரா, தமிழில் பாஸ் என்கிற பாஸ்கரன், கன்னடத்தில் சூப்பர் போன்ற படங்கள் வெளிவந்து வெற்றி பெற்றன. இது மகிழ்ச்சி அளிக்கிறது.

இவ்வாறு நயன்தாரா கூறினார்.