ஸ்ட்ராஸ் கானை சிறையில் தள்ள புகார் கூறிய பெண் கோரிக்கை

by **நேசமுடன் ஹாசிம்** Tue 26 Jul 2011 - 14:38

சர்வதேச நிதியத்தின் முன்னாள் தலைவர் ஸ்ட்ராஸ் கானை சிறையில் தள்ள வேண்டும் என்று அவர் மீது பாலியல் புகார் கூறிய பெண் கூறியுள்ளார்.

சர்வதேச நிதியத்தின் தலைவராக இருந்த ஸ்ட்ராஸ் கான் மீது அமெரிக்க ஓட்டல் பணிப்பெண் ஒருவர் செக்ஸ் புகார் கூறினார். ஓட்டலில் தங்கி இருந்த ஸ்ட்ராஸ் கான், அந்த பெண்ணை பாலியல் உறவுக்கு அழைத்ததாக வழக்கு பதிவு செய்யப்பட்டது. தற்போது, ஸ்ட்ராஸ் முன்ஜாமீன் பெற்றிருக்கிறார். இந்த நிலையில், கற்பழிப்பு புகார் கூறிய பெண், முதன் முதலாக பத்திரிகைகளுக்கு பகிரங்க பேட்டி அளித்தார். அப்போது, அவருடைய பெயர் டயல்லோ என்பது தெரிய வந்தது. டயல்லோ கூறுகையில், "மே 14-ந் தேதி அன்று அவருடைய அறைக்கு சென்றபோது குளியலறையில் இருந்து நிர்வாணமாக வெளியே வந்தார். வெறி பிடித்தவர் போல நடந்து கொண்ட அவர், என்னை பார்த்து `அழகாக இருக்கிறாய்' என கூறியதோடு செக்ஸ் தொந்தரவு அளித்தார். எனக்கு நீதி வேண்டும். அவரை சிறைக்கு அனுப்ப வேண்டும்" என்றார்.

ஆனால், ஸ்ட்ராஸ் கானிடம் இருந்து பணம் பறிப்பதற்காகவே கடைசி கட்ட முயற்சியாக இது போன்று பத்திரிகைகளில் நேரடியாக முகத்தை காட்டி பேட்டி அளிக்கிறார் என டயல்லோ மீது ஸ்ட்ராஸ் கான் வக்கீல்கள் குற்றஞ்சாட்டி உள்ளனர்