குடும்ப ஆட்சி முறைமை விரைவில் முடிவுக்குக் கொண்டு வரப்படும் - ஜயலத் ஜயவர்தன

தற்போது நாட்டில் மேற்கொள்ளப்பட்டு வரும் குடும்ப ஆட்சி முறைமை விரைவில் முடிவுக்குக் கொண்டு வரப்படும் என ஐக்கிய தேசியக் கட்சியின் நாடாளுமன்ற உறுப்பினர் டொக்டர் ஜயலத் ஜயவர்தன தெரிவித்துள்ளார்.
நாட்டையும் மக்களையும் இந்த ஏகாதிபத்திய ஆட்சியாளர்களிடமிருந்து மீட்டெடுப்பதற்கு ஐக்கிய தேசியக் கட்சி விரைவில் நடவடிக்கை எடுக்கும் என அவர் சுட்டிக்காட்டியுள்ளார்.

மக்களை ஏமாற்றி போலி வாக்குறுதிகள் அளித்து தேர்தலில் வெற்றியீட்டிய போதிலும், வாக்குறுதிகளை நிறைவேற்ற முடியாது அரசாங்கம் திணறி வருவதாக அவர் குறிப்பிட்டுள்ளார்.

அரசாங்கம் நெருக்கடி நிலைமைகளை சிக்கிக் கொள்ளும் போது எதிர்க்கட்சி மீது புலி முத்திரை குத்தி பிரச்சினைகளிலிருந்து தப்பித்துக் கொள்ள முனைப்பு காட்டப்பட்டு வருவதாக அவர் சுட்டிக்காட்டியுள்ளார்.

நாட்டில் மேற்கொள்ளப்பட்டு வரும் அபிவிருத்தி நடவடிக்கைகளைப் போன்றே ஊழல் மோசடிகளும் அதிகரித்துச் செல்வதாக அவர் குற்றம் சுமத்தியுள்ளார். அத்துடன், அரசாங்கம் பெருமளவு கடன்களைப் பெற்றுக் கொண்டுள்ளதாக அவர் சுட்டிக்காட்டியுள்ளார்.

சீனாவுடனான உறவுகளை தேவையற்ற வகையில் அதிகரித்து அயல் நாடான இந்தியாவுடன் பிணக்கினை ஏற்படுத்திக்கொள்ள அரசாங்கம் முயற்சித்து வருவதாக அவர் குறிப்பிட்ளட்ளார்.

நாட்டையும் நாட்டு மக்களையும் சர்வதேச ரீதியில் நெருக்கடியான நிலைக்கு இட்டுச் செல்லும் நடவடிக்கைகளை அரசாங்கம் மேற்கொண்டு வருவதாக அவர் குற்றம் சுமத்தியுள்ளார்.

:];: