மானம் பெரியது” பஹ்ரைய்ன் காரனுக்கு பாடம் புகட்டிய இலங்கை பெண்

by **பாயிஸ்** Fri 29 Jul 2011 - 14:33

இலங்கைப் பணிப்பெண் ஒருவரை பிறந்த மெனியாக வெளியாட்கள் முன்னிலையில் குளிக்க சொல்லி நிர்ப்பந்தித்து இருக்கின்றார் பஹ்ரைய்ன் நாட்டு எஜமானன் ஒருவர். வீட்டு குளியல் அறையில் திருத்த வேலைகள் செய்கின்றமைக்கு ஆட்கள் சிலர் வந்து இருந்தனர். இந்த ஆட்கள் முன்னிலையில் முழு நிர்வாணமாக குளிக்கச் சொல்லி பணிப்பெண்ணை வற்புறுத்தி இருக்கின்றார் எஜமானன். பணிப்பெண் மானம் பெரிது என முடிவு எடுத்தார். உயிரை துச்சம் என்று நினைத்தார். இரண்டு மாடிக் கட்டிடத்தில் இருந்து கீழே குதித்தார். இவருடைய உடலில் பலத்த காயங்கள் ஏற்பட்டு உள்ளன. பணிப்பெண்ணின் பெயர் துஷாரி ஹெரத். வயது 27. இச்சம்பவம் கடந்த மாதம் இடம்பெற்றது. பஹ்ரைய்ன் நாட்டு பொலிஸார் புலனாய்வு விசாரணை முடுக்கி விட்டு உள்ளனர். இலங்கைத் தூதரகம் , இலங்கை வெளிநாட்டு வேலைவாய்ப்பு பணியகம் ஆகியன இப்பணிப் பெண்ணுக்கு நீதி கிடைக்க நடவடிக்கை எடுத்து வருகின்றனர்.