பெண்களிடம் எச்.ஐ.வியை பரப்பிய ஆபிரிக்க நாட்டவர் கைது

by **நண்பன்** Sat 30 Jul 2011 - 11:01

பெண்களிடம் எச்.ஐ.வியை பரப்பிய ஆபிரிக்க நாட்டவர் கைது

பாதுகாப்பற்ற உடலுறவு கொண்டதன் மூலம் ஏழு பெண்களுக்கு எச். ஐ. வி. கிருமியை
பரப்பியதாக எழுந்த புகாரின் பேரில் ஆபிரிக்க நாட்டைச் சேர்ந்த ஒருவரை இங்கிலாந்து
பொலிசார் கைது செய்து வழக்குப் பதிவு செய்தனர். இதில் அவருக்கு 4 ஆண்டுகள் சிறைத்
தண்டனை வழங்கப்பட்டது. ஜிம்பாப்வே நாட்டைச் சேர்ந்த நிக்கோஸிநாடி மபான்டா (44)
என்பவர் இங்கிலாந்து குடியேற்ற உரிமை பெற்று லண்டன் வந்திருந்தார்.

இங்கிலாந்தில்
சில சமூகவிரோத செயல்களிலும் ஈடுபட்டார். இந்நிலையில் அவருக்கு ஏற்கனவே எச். ஐ. வி.
கிருமி தொற்றியிருப்பதை மறைந்து ஏழு பெண்களுடன் உடலுறவு கொண்டதாக கூறப்படுகிறது.
இதனை நிக்கோஸிநாடியின் செல்போனில் அவருடன் நெருங்கி பழகிய ஒருபெண், அனுப்பிய எஸ்.
எம். எஸ். ஒன்றில் உனக்கு எச். ஐ. வி. பாதிப்பு உள்ளது.

உடனடியாக பரிசோதனை
செய்துகொள் என அனுப்பியதன் மூலம் தெரியவந்தது. இது குறித்து பொலிசில் புகார்
செய்யப்பட்டதன் பேரில் நிக்கோஸிநாடியை பொலிசார் கைது செய்து வொல்வோர்ஹாம்டன்
நீதிமன்றில் ஆஜர்படுத்தினர். நீதிமன்று அவருக்கு 4 ஆண்டுகள் சிறைத் தண்டனை விதித்தது.
தண்டனைக் காலம் முடிந்ததும் நாட்டைவிட்டு வெளியேற்றவும் உத்தரவிட்டது.
மேலும் இவருடன் உடலுறவு கொண்டதாக கூறப்படும் மற்ற பெண்களை கண்டுபிடிக்குமாறு
பொலிசாருக்கு நீதிமன்று உத்தரவிட்டது.