சில்க் ஸ்மிதாவின் நிஜக்கதை 'டர்ட்டி பிக்ஸர்' ரெடி!

மறைந்த திரைத்தாரகை சில்க் ஸ்மிதாவின் வாழ்க்கை வரலாற்று படத்தில் அவரது காதாபாத்திரத்தை ஏற்று நடித்து வருகிறார் பாலிவுட் பனிமலர் வி்த்யா பாலன்.



கேரக்டரை சிறப்பாக செய்ய வேண்டும் என்பதற்காக அவர் சில்க்ஸ்மீதா பற்றிய விவரங்களை சேகரிக்க, படத்தின் இயக்குனர் மிலுன் லுத்ரியாவுடன் சில்க் ஸ்மீதாவின் சொந்த ஊரான ஆந்திர மாநிலம், கடப்பா மாவட்டத்தில் உள்ள எலூரு என்ற கிராமத்துக்குச் சென்று, அவர் படித்த பள்ளி, தோழிகள், சில்க்கின் ஆசிரியர்களையும் நேரில் சந்தித்த பிறகே நடித்தார்.

ஒரு படத்தில் நடிக்க ஒப்புக் கொண்டால் தன் கதாபாத்திரத்தை நன்கு புரிந்து கொண்டு நடிப்பதில் பெயர்பெற்றவர் வித்யாபாலன். அவர் இதற்கு முன் நடித்து முடித்திருக்கும் ‘நோ இன் கில்ட் ஜெசிகா’ என்ற படம் வட இந்தியாவில் பெண்கள் மர்மமான முறையில் இறந்ததை அடிப்படையாக வைத்து எடுக்கப்பட்டது. இந்த படத்திற்காக அவர் மர்மமான முறையில் இறந்த இளம்பெண்களின் வீட்டுக்கு சென்று, அவர்களது பெற்ரோர்களை உறவினர்களிடம் துணிச்சலாக சந்தித்து தகவல் சேகரித்தார்.

ஆனால் “ சில்க் ஸ்மீதா கதாபாத்திரத்தை ஏற்று நடிக்க வித்யா பாலன் பொறுத்தமானவர் அல்ல! சில்கின் போதையூட்டும் கண்கள் வித்யாவிடம் கிடையாது ஐஸ்வர்யா அல்லது தீபீகா படுகோந்தான் பொருத்தமாக இருப்பார்கள். காஸ்ட்டிங்கிலேயே இந்தப்படம் தவறு.

அதேபோல, சில்கின் உண்மைக்கதையிலும் தவறுகள் நிகழும். என்னை கேட்காமல் சில்க் ஸ்மீதாவின் வாழ்கையை படமாக்கக் கூடாது. நான்தான் சில்கை அறிமுகபடுத்தினேன். எனக்குத்தான் அவள் வாழ்க்கை தெரியும்” என்று பிரச்ச்னையைக் கிளப்பினார் ஒருவர்.

ஆனால் சில்க்ஸ்மீதாவின் கதாபாத்திரத்தில் வித்தியா வாழ்ந்திருப்பதாக பாராட்டுகிறது பாலிவுட் மீடியா. தி டர்ட்டி பிக்சர் என்று பெயரிடப்பட்டிருக்கும் இந்தப்படம் தமிழ் மற்றும் ஹிந்தியில் எடுக்கப்பட்டு முடியும் தருவாயில் இருக்கிறது.

இந்நிலையில்நிலையில் படத்தை விளம்பரபடுத்தும் நோக்குடன், தனது டர்ட்டி பிக்ஸர் பட அனுபவங்களை மீடியாவிடம் பகிர ஆரம்பித்திருகிறார் வித்யா பாலன்…

“சில்க் ஸ்மீதா பட்டைப் போல மென்மையான மனது கொண்ட பெண்னாக வாழ்ந்திருக்கிறார். ஆனால் ஒரு ஆண் கூட அவரை ஒரு மனுஷியாகப் பார்க்க வில்லை என்பதுதான் மிகத்துயரமானது. சில்கின் வாழ்வில் இருந்து நான் தெரிந்து கொண்டது ஒன்றுதான்… இது இன்னும் ஆண்களின் உலகமாகவே இருகிறது” என்று சொல்லியிருக்கிறார். இந்தபடத்துகாக வித்யா பாலன் கடைசியாக நடித்துக்கொடுத்திருக்கும் காட்சி… ஆயிரம் ஆரஞ்சுப் பழங்களில் புரண்டு எழுவது போன்ற காட்சியை படம் பிடித்தாராம் லூத்ரா.

இந்தபடத்தில் வினுக்சக்கரவர்த்தி மீதும் சர்ச்சையை எழுப்பும் விதமாக காட்சி அமைக்கப்பட்டிருப்பதாக வினுக்ச்சக்ரவர்த்திக்கு தகவல் கிடைக்க, தற்போது படத்தை தமிழ், ஹிந்தி மொழிகளில் வெளியிட தடை கோரி நீதி மன்றம் செல்ல முடிவு எடுத்திருகிறாராம் விணுச்சகரவர்த்தி. விரைவில் விவகாரம் வெடிக்கும் என்கிறார்கள்! ஆஹா! மீடியாவுக்கு மறுபடியும் சில்க் படத்தில் நல்ல தீனி காத்திருகிறது! படம், சில்க் ஸ்மிதாவின் பிறந்த நாளன்று வருகிறதாம்.

படம் வருவதற்கு முன்பே இத்தனை பிரச்சினைகளா பொறுத்திருந்து பார்ப்போம்