கடாபியின் சொத்துக்களை போராட்டக்காரர்களுக்கு அளிக்க பிரான்ஸ் முடிவு

by **நண்பன்** Wed 3 Aug 2011 - 4:05

கடாபியின் சொத்துக்களை போராட்டக்காரர்களுக்கு அளிக்க பிரான்ஸ் முடிவு
பிரான்ஸில் முடக்கப்பட்ட கடாபியின் சொத்துக்களை லிபிய போராட்டக்காரர்களுக்கு அளிப்பதாக பிரான்ஸ் நேற்று அறிவித் துள்ளது.

இதன்படி 25. 90 கோடி டொலர் கடாபி நிதியை பிரான்ஸ் அளித்தது. லிபிய போராட்டக்காரர்களின் தேசிய மாற்ற கவுன்சில் இந்த நிதியை உணவு, மருந்து பொருட்கள் என மனித நேய பணிகளுக்கு பயன்படுத்தும். தேசிய மாற்றக் கவுன்ஸிலின் பிரான்ஸ¤க்கான புதிய தூதர் மன்சூர் சய்ப் அல்- நசீப் பிரான்ஸ் வெளியுறவுத் துறை அமைச்சர் அலய்ன் ஜீபேவை சந்தித்தார். இந்த சந்திப்புக்கு பின்னர் மன்சூர் கூறுகையில், “கடாபியின் நிதி லிபிய மக்களுக்கு உரியது. இந்த நிதி உணவு, மருந்துகள் வாங்க பயன்படும்” என்றார்.

கடந்த வியாழக்கிழமை லிபியா போராட்ட இயக்கம் பிரான்ஸ், பிரிட்டன் நாடுகளுக்கு தனது தூதர்களை நியமனம் செய்தது. லிபியாவில் கடாபிக்கு எதிராக போராடும் நேட்டோ படையில் பிரான்ஸ், பிரிட்டன் துருப்பினர் உள்ளனர். லிபியா வின் மாற்ற கெளஸிலை முதலில் அங்கீகரித்த நாடு பிரான்ஸ் ஆகும்.