நாடாளுமன்ற அமைப்பு மீது அதிகாரம் செலுத்த சிவில் சொசைட்டிக்கு உரிமை இல்லை

புதுடெல்லி: நாடாளுமன்ற அமைப்பு மீது அதிகாரம் செலுத்தும் உரிமை சிவில் சொசைட்டிக்கு இல்லை என்று முதல்வர் ஷீலா தெரிவித்தார்.
டெல்லியில் Ôநாட்டு முன்னேற்றத்தில் சிவில் சொசைட்டியின் பங்குÕ என்ற தலைப்பில் கருத்தரங்கம் நடந்தது. இதில் பேசிய ஷீலா தீட்சித் கூறியதாவது:
சமூக முக்கியத்துவம் வாய்ந்த பிரச்னைகளில் சிவில் சொசைட்டியினருடன் இணைந்து அரசாங்கம் பணிகளை மேற்கொள்வதுஒப்புக் கொள்ளத் தக்கதுதான். அதே நேரத்தில் மக்களால் தேர்ந்தெடுக்கப்பட்ட நாடாளுமன்ற ஜனநாயக அமைப்பின் மீது அதிகாரம் செலுத்தும் உரிமை சிவில் சொசைட்டிக்கு இல்லை. நமது நாட்டின் ஜனநாயக அமைப்பு எந்த ஏற்றத்தாழ்வுக்கும் இடம் தராமல் பல்வேறு இடங்களில் உரிய கண்காணிப்புடன் செயல்படும் அமைப்பு. அதில் தவறு ஏற்பட்டால், மக்கள் பிரதிநிதிகளை தேர்ந்தெடுப்பவர்களே பார்த்துக் கொள்வார்கள். ஒவ்வொரு ஐந்தாண்டுக்கும் தேர்தல் நடக்கிறது. தவறான நிர்வாகம், செயலற்ற ஆட்சி இருந்தால் அவர்கள் தங்கள் வாக்குச் சீட்டின் மூலம் அதை மாற்றிவிட்டு போகிறார்கள். ஆனால், சிவில் சொசைட்டி அமைப்பு போன்றவை நாடாளுமன்றத்துக்கும் மேலாக செயல்பட நினைப்பது தவறானது. ஒரு குறிப்பிட்ட சிவில் சொசைட்டி அமைப்பு, ஒட்டுமொத்த அமைப்புக்கும் பிரதிநிதி ஆகிவிட முடியாது. ஜனநாயகம், தன்னிச்சையாக ஒரு பொறுப்புணர்வை இந்த அமைப்பில் ஏற்படுத்தி விடும். மக்களால் தேர்ந்தெடுக்கப்பட்ட பிரதிநிதிகளுக்கு அந்த பொறுப்பு இருக்கிறது.
நல்ல நிர்வாகத்தை அளிக்கும் மாநில நிர்வாகம் தேர்தலில் மீண்டும் தேர்ந்தெடுக்கப்படுவதை நாம் கண்டு வருகிறோம். அசாம், டெல்லி, குஜராத் அல்லது பீகாரில் இதைத்தான் பார்த்¢தோம். அதிகாரவர்க்கத்திலும் நீதியமைப்பிலும் உள்ளவர்கள் 30லிருந்து 35 ஆண்டுகள் பணியாற்றலாம். ஆனால் மக்கள் பிரதிநிதிகள் அடிக்கடி மாறிக் கொண்டிருப்பார்கள். தேர்தல் மூலம் தேர்ந்தெடுக்கப்பட்ட நாளில் இருந்து அடுத்த தேர்தலுக்கான சிந்தனையை நாங்கள் தொடங்கி விடுவோம். இவ்வாறு முதல்வர் ஷீலா கூறினார்.

{))