ஊக்கமருந்து பாவனையை இல்லாதொழிப்பதற்காக வீரர்களுக்கு இன்று விசேட செயலமர்வு

ஊக்கமருந்து பாவனையை இல்லாதொழிப்பதற்காக வீரர்களுக்கு இன்று விசேட செயலமர்வு
தடை செய்யப்பட்ட ஊக்கமருந்து பாவனையை இலங்கை விளையாட்டுத் துறையில் இருந்து இல்லாதொழி ப்பதற்காக விளையாட்டுத்துறை அமைச்சின் ஆலோசனையின் பிரகாரம் விளையாட்டு மருத்துவ நிறுவகம் வீரர்களுக்கான விழிப்பூட்டல் விசேட நிகழ்ச்சித் திட்டம் ஒன்றினை ஆரம்பித்துள்ளது.

அந்த நிகழ்ச்சித் திட்டத்தின் முதல் கட்டமாக ரகர், உதைபந்து மற்றும் வலைபந்து வீரர்களுக்கு விளக்கமளிக்கும் நிகழ்வு இன்று (09) திகதி தேசிய விஞ்ஞான மன்றத்தில் ஆரம்பிக்கப்படுமென விளையாட்டுத்துறை அமைச்சு குறிப்பிடுகின்றது.

ஸ்கொஸ், பெட்மிட்டன், மேசைப்பந்து, டெனிஸ், நீச்சல், வலைப்பந்து, கிரிக்கெட், கபடி, வூஷ¥, பாரம் தூக்கல், மெய் வல்லுனர் போட்டிகள், கராட்டி, கரப்பந்து ஆகிய துறைசார்ந்த வீரர்களுக்கு தடைசெய்யப்பட்ட ஊக்கமருந்து பாவனை பற்றிய விழிப்பூட்டல் செய்யப்பட உள்ளதுடன், சர்வதேச ஊக்கமருந்துத்தடை நிறுவனத்தின் (தீதிளிதி) ஆலோசனை யின் பிரகாரம் இந்த நிகழ்ச்சித் திட்டம் ஆரம்பிக்கப்பட உள்ளதாக விளையாட்டுத்துறை அமைச்சு தெரிவிக்கின்றது.

விளையாட்டுத்துறை மருத்துவ நிறுவகத்தினால் அனைத்து வீரர்களையும் திடீர் பரிசோதனைக்கு உட்படுத்தும் வேலைத் திட்டம் ஒன்றும் இதன் கீழ் இடம்பெற உள்ளது.

விளையாட்டு வீரர்கள் மற்றும் பயிற்றுவிப்பாளர்கள் ஆகியோருக்கு விளக்கமளித்து எதிர்வரும் காலங்களில் தடை செய்யப்பட்ட ஊக்கமருந்து பாவனை பற்றிய சட்டங்களை கடுமையாக நடைமுறைப்படுத்துவதற்கும் நடவடிக்கை எடுக்கப்படுமென விளையாட்டுத்துறை அமைச்சு தெரிவிக்கின்றது.

அப்படியே ஆகட்டும் தகவல்களுக்கு நன்றி