நிதி முடக்கம்

கோவை : தேசிய குழந்தை தொழிலாளர் திட்ட நிதி முடக்கப்பட்டுள்ளதால் குழந்தை தொழிலாளர்களுக்கான சிறப்பு பள்ளிகளில் மாணவர்களுக்கு பேனா, நோட்டு உள்ளிட்டவை வாங்க பணம் இன்றி அவதிப்படுகின்றனர். தமிழகத்தில் அனைத்து மாவட்டங்களிலும் குழந்தை தொழில் ஒழிப்பு ஆதரவு சங்கம் செயல்படுகிறது. கலெக்டரை தலைவராக கொண்ட இந்த சங்கத்தின் மூலமாக குழந்தை தொழிலாளர்கள் மீட்கப்படுகின்றனர்.

இக்குழந்தைகள் சிறப்பு பள்ளியில் சேர்க்கப்பட்டு உணவு, உடை, நோட்டு, புத்தகம் வழங்கப்பட்டு வருகிறது. தேசிய குழந்தை தொழிலாளர் திட்டத்தில், நடப்பாண்டிற்கான (2011&12) நிதி ஒதுக்கீடு இதுவரை வழங்கப்படவில்லை. வழக்கமாக, ஏப்ரலில் நிதி ஒதுக்கீடு செய்யப்படும். மாவட்டத்திற்கு ஸீ30 லட்சம் வரை ஒதுக்கப்படும். மாநில அளவில், நடப்பாண்டிற்கு சுமார் ஸீ6 கோடி எதிர்பார்க்கப்படுகிறது.

தமிழகத்தில் குழந்தை தொழிலாளர்களுக்காக 550 சிறப்பு பள்ளிகள் செயல்படுகிறது. இதில், 2 லட்சம் குழந்தைகள் கல்வி கற்கின்றனர். 700க்கும் மேற்பட்ட ஆசிரியர்கள் பணியாற்றுகின்றனர். இப்பள்ளியில் முன்பு காலை உணவும் வழங்கப்பட்டது. தற்போது மதிய உணவு மட்டுமே வழங்கப்படுகிறது. இந்நிலையில் இக்குழந்தைகளுக்கு தற்போது பாட புத்தகம் மட்டுமே கிடைத்துள்ளது. சீருடை, நோட்டு, பேனா, பென்சில், சிலேடு போன்றவை நிதி ஒதுக்கீடு இல்லாததால் வாங்கவில்லை.

நிதி ஒதுக்கீடு இருந்தால் மட்டுமே அதிரடி சோதனை நடத்தி குழந்தை தொழிலாளர்களை மீட்க முடியும். கடந்த ஏப்ரல் முதல் குழந்தை தொழிலாளர்கள் மீட்பு பணி நடத்தப்படவில்லை, இப்பள்ளி ஆசிரியர்களுக்கு சம்பளமும் வழங்கப்படவில்லை. இதனால் ஆசிரியர்கள் வகுப்புகளை தொடர்ந்து புறக்கணித்து வருவதாக தெரிகிறது. பைக்குக்கு டீசல் போடக்கூட பணம் இல்லை என குழந்தை தொழிலாளர் ஒழிப்பு ஆதரவு சங்கத்தினர் கூறுகின்றனர்.

வருவாய்த்துறை அதிகாரி கூறுகையில், ‘‘நடப்பாண்டில், கடந்த ஆண்டை விட 20 சதவீதம் கூடுதல் தொகை கேட்டிருக்கிறோம். ஆனால், வழக்கமான நிதி ஒதுக்கீடும் நிறுத்தி வைக்கப்பட்டது. அடுத்த மாதம் நடைபெற உள்ள குழந்தை தொழில் ஒழிப்பு தேசிய ஆலோசனை கூட்டத்தில் முக்கிய முடிவு எடுக்கப்படும். இதே நிலை நீடித்தால் சிறப்பு பள்ளிகளை நிர்வாகிப்பது சிரமம்‘‘ என்றார்.

நன்றி...தினமலர்

இப்பள்ளியில் முன்பு காலை உணவும் வழங்கப்பட்டது. தற்போது மதிய உணவு மட்டுமே வழங்கப்படுகிறது. இந்நிலையில் இக்குழந்தைகளுக்கு தற்போது பாட புத்தகம் மட்டுமே கிடைத்துள்ளது. சீருடை, நோட்டு, பேனா, பென்சில், சிலேடு போன்றவை நிதி ஒதுக்கீடு இல்லாததால் வாங்கவில்லை.

ஜெயாம்மா கிட்டே சொல்லி ஜோசியம் பார்த்து இதுக்கொரு வழி பண்ண சொல்லுங்க..