நடால், பெடரர் அதிர்ச்சித் தோல்வி

by **நண்பன்** Mon 22 Aug 2011 - 4:36

நடால், பெடரர் அதிர்ச்சித் தோல்வி
சின்சினாட்டி டென்னிஸ் போட்டியில் நடால், பெடரர் அதிர்ச்சி தோல்வியடைந்தனர்.

அமெரிக்காவில் உள்ள சின்சினாட்டியில் வெஸ்டர்ன் அண்ட் சதர்ன் ஓபன் சர்வதேச டென்னிஸ் போட்டி நடந்து வருகிறது. இதன் ஆண்கள் ஒற்றையர் பிரிவில் நடந்த கால் இறுதி ஆட்டம் ஒன்றில் உலகின் 2ம் நிலை வீரர் ரபெல் நடால் (ஸ்பெயின்), 7ம் நிலை வீரர் மார்டி பிஷ்சை (அமெரிக்கா) சந்தித்தார். இந்த ஆட்டத்தில் ரபெல் நடால் 3-6, 4- 6 என்ற நேர் செட்டில் உள்ளூர் வீரரான மார்டி பிஷ்சிடம் அதிர்ச்சி தோல்வி கண்டு வெளியேறினார். நடாலை 7வது முறையாக நேருக்கு நேர் சந்தித்த மார்டி பிஷ் அவருக்கு எதிராக கண்ட முதல் வெற்றி இதுவாகும்.

மற்றொரு கால் இறுதி ஆட்டத்தில் உலகின் 3ம் நிலை வீரரான ரொஜர் பெடரர் (சுவிட்சர்லாந்து) 2-6, 6-7 (3-7) என்ற நேர்செட்டில் 9ம் நிலை வீரர் தோமஸ் பெர்டிச்சிடம் (செக்குடியரசு) அதிர்ச்சி தோல்வி கண்டு வெளியேறினார்.

நடால், பெடரர் அதிர்ச்சித் தோல்வி Nadal