அம்மா

by **மீனு** Wed Aug 24, 2011 4:35 am

அம்மா
=====================

அல்லும் பகலும் நம்மையே சுற்றும்

அன்புச் சூரியன் அம்மா!

அன்று பிறந்த குழந்தை கையிலும்

அகப்படும் வானம் அம்மா!

கல்முள் நமது காலில் படாது

காக்கும் பூமி அம்மா!

கண்ணீர் அலையில் கலங்க விடாத

கருணைக் கடலும் அம்மா!

பல்லக் கெனவே பரிவாய்ச் சுமந்து

பாலும் தருபவள் அம்மா!

பன்னீர் மலரின் மிருதாய்த் துலங்கும்

பாசத் துளி அம்மா!

இல்லம் அழகுக் கோயில் அதனுள்

ஏற்றிய தீபம் அம்மா!

எண்ணும் பொழுது கண்முன் தெரியும்

எளிமைத் தெய்வம் அம்மா?