ராஜீவ் கொலை கைதிகளின் தூக்கு தண்டனையை நிறுத்த இன்னும் வாய்ப்பு உள்ளது: வக்கீல் புகழேந்தி பேட்டி

வேலூர், ஆக. 26-


ராஜீவ்
கொலையாளிகள் முருகன், சாந்தன், பேரறிவாளன் ஆகியோர் கருணை மனு
நிராகரிக்கப்பட்ட பின்னர் வக்கீல்கள் அவர்களை சந்தித்து பேசினர். 3 பேரின்
தண்டனையை குறைப்பது குறித்து மேல்முறையீடு செய்வதாக தெரிவித்தனர். இதனால் 3
பேர் தண்டனை தடுத்து நிறுத்தப்படும் என்று கூறப்பட்டது.

இந்நிலையில்
தூக்கு நிறைவேற்றுவதற்கான உத்தரவு நகல் வந்தது இதனையடுத்து சட்ட ரீதியாக
என்ன செய்யலாம் என்பது குறித்து வக்கீல்கள் ஆலோசித்து வருகின்றனர்.

இதுகுறித்து வக்கீல் புகழேந்தி மாலை மலர் நிருபரிடம் கூறியதாவது:-

முருகன்,
சாந்தன், பேரறிவாளன் ஆகியோருக்கு தூக்கு தண்டனையை நிறைவேற்றுவதற்கான ஆணை
வந்துள்ளது. இன்று மாலை வேலூர் ஜெயிலில் 3 பேரையும் சந்தித்து பேச உள்ளேன்.
இந்த வழக்கில் கோர்ட்டு மூலம் தடை உத்தரவு வாங்க இன்னும் வாய்ப்பு உள்ளது.
இதற்கு முந்தைய பல வழக்குகள் ஆதாரங்களாக உள்ளன.

இவ்வாறு அவர் கூறினார்.

வேலூர்
ஜெயலில் உள்ள முருகன், சாந்தன், பேரறிவாளன் ஆகியோரை சீமானின் வக்கீல்கள்,
நெடுமாறனின் வக்கீல்கள் சந்தித்து பேசவும் வாய்ப்பு உள்ளது.

மேலும்
இந்த வழக்கில் டெல்லி வக்கீல்கள் உதவியை நாட இருப்பதாக முருகன் ஏற்கனவே
கூறியுள்ளார். அதற்கான நடவடிக்கையும் எடுக்கப்படலாம் என கூறப்படுகிறது.