நில ஊழல் வழக்கு: எடியூரப்பா கைதாகிறார்? கோர்ட்டில் முன்ஜாமீன் மனு தள்ளுபடி

by **நண்பன்** Mon 29 Aug 2011 - 10:32

பெங்களூர், ஆக. 29-

கர்நாடக
மாநில முதல்- மந்திரியாக இருந்தவர் பி.எஸ்.எடியூரப்பா. சுரங்கத்
தொழிலுக்கு அனுமதி வழங்கியதில் முறை கேடுகளில் ஈடுபட்டதாக குற்றச்சாட்டு
எழுந்ததால், கடந்த மாதம் 31-ந்தேதி எடியூரப்பா முதல்-மந்திரி பதவியில்
இருந்து விலகினார்.

எடியூரப்பா மீது மேலும் சில ஊழல்
வழக்குகள் கூறப்பட்டன. பொது நலத்திட்டங்களுக்காக ஒதுக்கப்பட்டிருந்த
நிலங்களை அவர் தன் குடும்பத்தினருக்கு ஒதுக்கியதாக புகார் எழுந்தது. மேலும்
அரசு நில ஒதுக்கீடுகளில் அவர் ஊழல் செய்ததாக கூறப்பட்டது. இது தொடர்பாக
எடியூரப்பா மீது வழக்கு தொடரலாம் என்று சமீபத்தில் கவர்னர் பரத்வாஜ் அனுமதி
அளித்தார்.

இதையடுத்து எடியூரப்பா மீது
பெங்களூர் ஐகோர்ட்டில் வழக்கு தொடரப்பட்டது. இந்த வழக்கில் தனக்கு முன்
ஜாமீன் வழங்க வேண்டும் என்று எடியூரப்பா மனு செய்தார். அந்த மனு மீதான
விசாரணை பெங்களூர் ஐகோர்ட்டில் இன்று நடந்தது.

எடியூரப்பாவுக்கு
முன் ஜாமீன் வழங்க இயலாது என்று நீதிபதி உத்தரவிட்டார். முன் ஜாமீன்
கிடைக்காததால் எடியூரப்பா எந்த நேரத்திலும் கைது செய்யப்படலாம் என்று
பெங்களூரில் பரபரப்பு ஏற்பட்டது.

லோக் ஆயுக்தா
கோர்ட்டில் இன்று பிற்பகல் எடியூரப்பா ஆஜராக வேண்டும் என்று ஏற்கனவே
உத்தரவிடப்பட்டு இருந்தது. அவர் லோக் ஆயுக்தா கோர்ட்டுக்கு வருவாரா? என்று
எதிர்பார்ப்பு நிலவிய நிலையில், ஐகோர்ட்டில் முன்ஜாமீன்
மறுக்கப்பட்டுள்ளது. எடியூரப்பா தற்போது உடல் நலக்குறைவு காரணமாக
பெங்களூரில் உள்ள ஒரு தனியார் மருத்துவ மனையில் அனுமதிக்கப்பட்டுள்ளார்.