இந்திய வீரர்கள் கழுதைகளா? அசாருதீன் ஆவேசம்

by **நிலாம்** Mon 5 Sep 2011 - 2:56

இந்தியா
இங்கிலாந்து அணிகளுக்கு இடையிலான ரி20 போட்டடி கடந்த புதன்கிழமை இரவு
நடைபெற்றது. அப்போது பீட்டர்சன் அடித்த பந்தை பார்தீவ் படேல் கேட்ச்
பிடிக்கத் தவறினார்.அந்த நேரத்தில் வர்ணனை செய்து கொண்டிருந்த நாசர் உசேன்,
இந்தியா, இங்கிலாந்து அணிகளின் பீல்டிங்கை ஒப்பிட்டால், இங்கிலாந்தின்
பீல்டிங் சிறப்பாக உள்ளது. இந்திய அணியிலும் 3 அல்லது 4 சிறந்த பீல்டர்கள்
உள்ளனர். அதேசமயம் 2 கழுதைகளும் பீல்டிங் செய்கிறது என்று குறிப்பிட்டார்.

அவரின்
இந்தக் கருத்து இப்போது கடும் விமர்சனத்துக்கு உள்ளாகியுள்ளது.
இதுகுறித்து முன்னாள் அணித் தலைவரும், தற்போதைய எம்.பி.யுமான முகமது
அசாருதீன் கூறுகையில், நாசர் உசேனை மன்னிப்பு கோருமாறு வலியுறுத்த
வேண்டும். இங்கிலாந்து அணியின் தலைவராக இருந்த அவர், இதுபோன்ற கருத்துகளைத்
தெரிவித்திருக்கக்கூடாது. வர்ணனை செய்ய பல வழிகள் உள்ளன. அப்படி
இருக்கையில் முன்னாள் வீரரான நாசர் உசேன் இதுபோன்று சொல்வது சரியானதல்ல
என்றார்.

வர்ணனையாளர் குழுவில் இருந்து நாசர் உசேன் நீக்கப்படுவாரா
என்று கேட்டபோது, அது குறித்து தனக்குத் தெரியாது. ஆனால் மன்னிப்புக்
கோருமாறு அவரை வலியுறுத்த வேண்டும் என்று அசாருதீன் கூறினார்.