காதலியின் வீட்டினுள் நுழைந்த காதலன் பொலிஸாரிடம் சிக்கினார்

காதலியின் வீட்டினுள் நுழைந்த
காதலன் பொலிஸாரிடம் சிக்கினார்



S.M.S. ஐ நம்பி வந்ததால் சம்பவம்


மத்திய மாகாண மேலதிக குறூப் நிருபர்

காதலியின் எஸ். எம். எஸ். அழைப்பை ஏற்று வீட்டினுள் புகுந்த காதலன் சிக்கலில்
மாட்டிய சம்ப வமொன்று ஹட்டன் பொலிஸ் பிரிவில் நடந் துள்ளது.
அதிகாலை 4.30 மணியளவில் ஹட்டன் பொலிஸ் டெலி போன் அலறியது...! ஹலோ...! பொலிஸ்
நிலையமா? மறுமுனையிலிருந்து பதில் வந்தது ஆமாம்...பொலிஸ் தான். ஐயா எங்கள்
வீட்டிற்குள் மர்ம மனிதர் ஒருவர் புகுந்துள்ளார். நாங்கள் வீட்டுக் காதவைப் பூட்டி
தாழிட்டு வைத்துள்ளோம். வந்து கைது செய்யவும். சரி நாங்கள் வருகிறோம் முகவரி
விபரங்களைத் தாருங்கள். பொலிஸார் சகல விபரங்களையும் குறித்துக் கொண்டு உடனடி
நடவடிக்கையில் இறங்கினர்.
குறித்த வீட்டையடைந்த பொலிஸார் எங்கே மர்ம மனிதன் என்று கேட்டுக்கொண்டே
பூட்டியிருந்த கதவைத் திறக்க கதவு மூலையில் ஒளிந்திருந்த இளைஞன் பயந்து
நடுங்கியவாறு வெளியே வந்து பீதியுடன் பொலிஸாரின் எதிரே நின்று கொண்டிருந்தான்.
என்ன திருட வந்தாய்? பொலிஸார் கேட்க இல்லை ஐயா நான் திருடனல்ல... நான் திருட
வரவுமில்லை. நான் நிரபராதி என்று கூறினான் இளைஞன். பொலிஸார் விடவில்லை தொடர்ந்து
விசாரித்தனர்.
இனியும் உண்மையை மறைப்பதில் பலனில்லை என்பதையுணர்ந்த இளைஞன் 'சார் உண்மையைக்
கூறிவிடுகிறேன்' என்று கூறியதோடு தனது பாக்கெட்டில் இருந்த கையடக்கத் தொலைபேசியை
எடுத்து தனக்கு வந்த எஸ். எம். எஸ். குறுந்தகவலை பொலிஸாரிடம் காட்டினான்.
அக்குறுந்தகவலில் விடியற்காலை 4.30 மணிக்கு எங்கள் வீட்டுக் சமையலறை பக்கமாக
வரவும், கதவு திறந்திருக்கும் என்றிருந்தது. பொலிஸார் மிகவும் நுணுக்கமாகச்
செயற்பட்டு அதிலிருந்த அழைப்பு தொ. பே. இலக்கத்திற்கு ரிங் செய்ய தொடர்புடைய
தொலைபேசி மறுமுனையில் வீட்டினுள் இருந்த அந்த வீட்டு யுவதியின் தொ. பே. அலறியது.
சகல விடயங்களையும் கணப் பொழுதில் புரிந்துகொண்ட பொலிஸார் எங்களுக்கு இங்கு
வேலையில்லை. உங்கள் மகளுக்கு புத்திமதி கூறி அடக்கமாக இருக்கச் சொல்லுங்கள் என்று
கூறிவிட்டு இளைஞனை எச்சரித்துவிட்டுச் சென்றனர்.

பர்ஹாத் பாறூக் wrote:

படித்ததும் நானும் சிரித்து விட்டேன் பர்ஹாத்

:”: :!.: :!.: