நீங்கள் சொல்வதை உங்கள் உடம்பு கேட்க வேண்டுமா?

by **anandstarct** Mon 12 Sep 2011 - 13:22

காலையில் நாம் எழுந்திருக்கலாம் என்று
நினைக்கையில் உடல் மறுக்கிறதா? நடக்க வேண்டிய சுழ்நிலையில் கால் வலி ஏற்படுகிறதா?
பனி காலம் வந்தாலே சளி மற்றும் சுவாசக் கோளாறுகளினால் அவதிப்படுகிறீர்களா?
அலுவலகத்திலும், வீட்டிலும் சிறு பிரச்சனை கூட உங்களை டென்ஷனாக்கி விடுகிறதா?

இதிலிருந்து
எல்லாம் நீங்கள் நிச்சயம் வெளிவர வேண்டும் என்று நினைக்கிறீ்ர்களா?

யோகாசனம்
செய்தால் நிச்சயம் பல நோய்களிலிருந்து, மருந்து மாத்திரைகளை நிறுத்தும் நிலை
அல்லது குறைக்கும் நிலை, குறைந்த பட்சம் சிறிய அளவேனும் உடல் நம் மனதுடன்
ஒத்துழைக்க யோகாசனம் நிச்சயம் அனைவருக்கும் தேவை. உடல் சம்பந்தப்பட்ட பிரச்சனைகள்
தவிர மனபலம் பெருகும். அதற்கு மேலும் என்ன கிடைக்க வேண்டுமே அது தானாகவே
கிடைக்கும், நடக்கும்.

இந்த
உலகத்திற்கே யோகக்கலையை வழங்கிய நாடு நம் இந்தியா. இதற்காக நாம் மிகவும்
பெருமைப்படவேண்டும்.

சாக்கு
போக்கு சொல்லி எனக்கு அதெல்லாம் செய்ய நேரமில்லை என்பதெல்லாம் பாசாங்கு. உண்மையாக
நன்றாக இருக்க வேண்டும் என்று எண்ணம் இருந்தால் நிச்சயம் நடத்தி காட்டலாம்.

முன்பு
காலம் எல்லாம் இதற்காக நாம் தகுந்தவர்களை தேடி அலைய வேண்டும். ஆனால் தற்போது யோக
கலை நம் இல்லத்திற்கு அருகில் வந்துவிட்டது. யோக வகுப்புகள் மற்றும் தியான
வகுப்புகள் ஒரு காலத்திற்குள் முடித்துவிடும்படியான எளிய பயிற்சிகள்
சொல்லித்தரப்படுகின்றன.

நாமே நமக்காக ஒரு நாளைக்கு 30 நிமிட நேரம்
ஒதுக்க வில்லையென்றால், நமக்காக யார் ஒதுக்குவார். வயதான காலத்தில் நம்மை
எல்லோரும் ஒதுக்கிவிடாமல் இருக்க, நாம் நமக்காக பயிற்சி செய்ய வேண்டும். இப்போது
இல்லை என்றால் எப்போதும் இல்லை.

எனது
சொந்த வாழ்வில் கிடைத்த பலன்கள் எண்ணற்றவை. நீங்களும் இதை அனுபவிக்க எனது வாழ்த்துக்கள்.