சச்சின் கடிதம் ஐ.சி.சி. நிராகரித்தது

ஒருநாள் போட்டிகளை மேலும் சுவாரசியமாக்கும் வகையில் புதிய மாற்றங்களை செய்ய வேண்டும்
என வலியுறுத்தி, சர்வதேச கிரிக்கெட் கவுன்சில் தலைமை செயலதிகாரி ஹாரூன் லார்கட்டுக்கு மாஸ்டர் பேட்ஸ்மேன் சச்சின் கடிதம் எழுதியுள்ளார். சச்சின் பரிந்துரை செய்துள்ள மாற்றங்கள் பற்றிய விவரம் வருமாறு: ஒருநாள் போட்டிகளை தலா 25 ஓவர்கள் கொண்ட 2 இன்னிங்ஸ்களாக நடத்தலாம்.



இதனால், டாசில் வெல்லும் அணிக்கு மட்டுமே சாதகமான நிலை ஏற்படுவதை தவிர்க்க முடியும். ஓவர்களின் எண்ணிக்கையை குறைப்பது பற்றியும் ஆலோசிக்க வேண்டும். பேட்டிங் அணிக்கு 2 பவர்பிளே எடுக்கும் உரிமை வழங்கலாம். ஒவ்வொரு அணியிலும் 4 வீரர்களை தலா 12 ஓவர் வீச அனுமதிக்கலாம். இவ்வாறு சச்சின் தனது கடிதத்தில் குறிப்பிட்டுள்ளார்.

ஐ.சி.சி. நிராகரித்தது :


இதற்கு பதில் அளித்த ஹாருன் லோர்கட், "சச்சினுடன் இது குறித்து சிறிது காலத்திற்கு முன் விவாதித்தேன், உலகக் கோப்பைப் போட்டிகளின் போது அவரை நேரிலும் சந்தித்தேன். அவர் எழ்த்துபூர்வமாக சில விஷயங்களை அளித்திருந்தார் அதனை கடந்த மே மாதம் கமிட்டி முன்பு வைத்தேன். அவரது கருத்தை கமிட்டி ஏற்றது. ஆனால் தற்போது ஒருநாள் கிரிக்கெட் நல்ல நிலையிலேயே உள்ளது என்று கிரிக்கெட் கமிட்டி கருதுகிறது. இரண்டு புதிய முறைகளைப் புகுத்தியுள்ளோம் அதுவே இப்போதைக்கு போதுமானது என்று கமிட்டி கருதுகிறது. ஒட்டுமொத்த மாற்றம் தேவையில்லை" என்றார்.

நன்றி விளையாட்டுச்செய்தி தந்தமைக்கு