பள்ளி மாணவி மேல் ஆசை வைத்து கடத்திய திருமணமானவர்

by **அப்துல்லாஹ்** Mon 26 Sep 2011 - 8:43

தேர்வு எழுதச்சென்ற 10ம் வகுப்பு மாணவி காரில் கடத்தப்பட்டார். கடத்தியவர்களைக் காவல்துறையினர் விரட்டி மடக்கிபிடித்து மீட்டனர்.

நாங்குநேரி சன்னதி தெருவைச்சேர்ந்த சொக்கலிங்கம் மகன் சுப்பிரமணியன். வெளிநாட்டில் வேலைபார்த்து வந்த இவருக்கு கடந்த 5 ஆண்டுக்கு முன் திருமணம் நடந்தது. கணவன்-மனைவியிடையே ஏற்பட்ட கருத்து வேறுபாடு காரணமாக மனைவி பிரிந்துசென்றுவிட்டார். இதற்கான விவாகரத்து வழக்கு நீதிமன்றத்தில் நடந்து வருகிறது. இதனால் சுப்பிரமணியன் வெளிநாடு செல்லமுடியாமல் ஊரில் தங்கியுள்ளார்.

மனைவி பிரிந்து சென்றதால் வேறு திருமணம் செய்ய முடிவு செய்த அவர், பக்கத்து வீட்டில் வசித்துவந்த தாய்மாமன் ஆறுமுகம் மகள் சிவசங்கரி மீது கண் வைத்தார். சிவசங்கரி நாங்குநேரியில் உள்ள அரசு பெண்கள் உயர்நிலைப்பள்ளியில் 10ம் வகுப்பு படித்து வருகிறார்.

தாய்மாமனிடம் மகளைத் திருமணம் செய்து வைக்கும்படி கேட்டால் அவர் சம்மதிக்க மாட்டார் என கருதிய சுப்பிரமணியன், நேற்று காலை காலாண்டு தேர்வு எழுத பள்ளிக்குச் சென்ற சிவசங்கரியைப் பின்தொடர்ந்து காரில் சென்று, பள்ளிக்குள் இருந்த மாமன் மகளைத் தந்திரமாக வெளியே வரவழைத்தார். சிவசங்கரியிடம், ''உங்க அப்பா திடீரென இறந்துவிட்டார். வா என்னுடன்'' என்று கூறியதால் அவர் தேர்வு எழுதாமல் அழுதபடி காரில் ஏறினார். காரைச் சுப்பிரமணியனே ஓட்டினார்.

கார் நேராக அவர்கள் வீட்டிற்குச் செல்லாமல் வள்ளியூர் நோக்கி சென்றதால் சந்தேகமடைந்த மாணவி அவரிடம், "என்னை எங்கே கொண்டு செல்கிறீர்கள்?" என்று கத்தினார். "உங்க அப்பாவுக்கு ஒன்றும் இல்லை. உனக்கு புத்தகம் வாங்கித் தருவதற்காகத்தான் வள்ளியூர் செல்கிறேன்" என்றார்.

இதற்கிடையில் மதியம் வரை சிவசங்கரி பள்ளிக்கு வராததால் அவருடன் படித்த சக மாணவி சிவசங்கரி வீட்டிற்குச் சென்று நடந்த விவரத்தைக் கூறினார். அப்போதுதான் தன் மகளைச் சுப்பிரமணியன் கடத்திச் சென்றிருப்பது ஆறுமுகத்துக்குத் தெரியவந்தது. இதைத்தொடர்ந்து நாங்குநேரி காவல்துறையில் புகார் செய்தார். காவல்துறையினர் நெடுஞ்சாலை காவலருக்குத் தகவல் கொடுத்தனர். நெடுஞ்சாலை காவலர் அவர்களை ஒருவழியாக பணகுடியில் வைத்து மடக்கி பிடித்தனர்.

அதன்பிறகு நாங்குநேரி கொண்டுவரப்பட்ட சுப்பிரமணியனிடம் விசாரணை நடந்தது. மைனர் பெண்ணைக் கடத்தியதாக அவர் மீது வழக்குப்பதிந்து கைது செய்தனர். மாணவி பெற்றோரிடம் ஒப்படைக்கப்பட்டார்.

இநக்ச் சம்பவம் நாங்குநேரில் பரபரப்பை ஏற்படுத்தியது.

by **நண்பன்** Mon 26 Sep 2011 - 8:56

இன்று காலையில் நான் படித்த முதல் செய்தி இதுதான் நல்ல செய்தி அடுத்தடுத்த செய்திகளையும் படிக்கலாம் வருகிறேன்.
இவர்களின் முடிவென்னவாயிற்றோ கடத்தியவருக்கு வயதெத்தனை?
இருவருக்கும் திருமணம் நடத்தலாமா அல்லது கடத்தியவருக்கு தண்டனை தரலாமா பொறுத்திருந்து பார்ப்போம்!