ஊழல் புரியும் அமைச்சர்களை காக்கும் மத்திய அரசு

by **நண்பன்** Wed 5 Oct 2011 - 9:45

ஊழல் புரியும் அமைச்சர்களை காக்கும் மத்திய அரசு

அத்வானி குற்றச்சாட்டு

புதுடில்லி,

ஊழல் புரியும் அமைச்சர்களை காக்கும் மத்திய அரசு I4

இலஞ்சம் குறித்து தகவல் கொடுத்தவர்களை சிறையில் அடைத்து விட்டு, ஊழல் செய்த
அமைச்சர்களை மத்திய அரசு பாதுகாக்கிறது என பா. ஜ. தலைவர் அத்வானி தெரிவித்துள்ளார்.
இது குறித்து தன் வலைதளத்தில் அத்வானி கூறியிருப்பதாவது:- கடந்த 2008 இல்
மன்மோகன்சிங் அரசு மீது நடந்த வாக்கெடுப்புக்கு ஆதரவாக வாக்களிக்க பாரதிய ஜனதா எம்.
பி.க்களுக்கு, தலா 1 கோடி ரூபாய் இலஞ்சம் கொடுக்கப்பட்டது. இந்த விடயத்தை வெட்ட
வெளிச்சமாக்கிய என் உதவியாளர் சுதீந்திர குல்கர்னி, முன்னாள் எம். பி.க்கள் பகன்சிங்
குலாஸ்தி, மகாவீர் பக்கோரா உள்ளிட்டோர், சிறையில் அடைக்கப்பட்டுள்ளனர். ஊழல்
குறித்து தகவல் கொடுப்போரை பாதுகாக்க வேண்டும் என மத்திய அமைச்சரவையே ஒப்புதல்
அளித்துள்ளது.
இந்த சட்ட மூலம் இன்னும் சட்டமாக்கப்படவில்லை. இலஞ்சம் கொடுப்போர் குறித்து தகவல்
கொடுப்போரை பாதுகாக்க வேண்டும் என ஒப்புதல் கொடுத்து விட்டு, அவர்களை சிறையில்
அடைக்கிறது மத்திய அரசு. அதே நேரத்தில், ஊழல் செய்த அமைச்சர்களை பாதுகாக்கிறது.
விரைவில் பொதுத் தேர்தல் நடக்க வேண்டும் என பா. ஜ. அவசரப்படுவதாக பிரதமர்
மன்மோகன்சிங் கூறுகிறார். அவர்கள் கட்சியைச் சேர்ந்தவர்கள்தான் இந்த நிகழ்வுக்கு
ஆசைப்படுகின்றனர். இவ்வாறு அத்வானி கூறியுள்ளார்.