டென்னிஸ் போட்டியில் தோல்வி

by **நண்பன்** Wed 5 Oct 2011 - 9:51

டென்னிஸ் போட்டியில் தோல்வி

லீ நாவின் ரசிகர்கள் அதிருப்தி

சொந்த நாட்டில் நடைபெற்ற போட்டியில் முதல் சுற்றிலேயே தோல்வியடைந்ததால், லீ நா மீது
சீன டென்னிஸ் ரசிகர்கள் ஆத்திரமடைந்துள்ளனர். தங்கள் கோபத்தை இணையதளத்தில் அவர்கள்
கொட்டித் தீர்த்துள்ளனர்.
டென்னிஸ் போட்டியில் தோல்வி S7

சீன பகிரங்க டென்னிஸ் போட்டி பெய்ஜிங்கில் நடைபெற்று வருகிறது. இதில் சீன
ரசிகர்களின் பெரும் எதிர்பார்ப்புக்கு மத்தியில் களம் இறங்கிய அந்நாட்டு டென்னிஸ்
நட்சத்திரம் லீ நா முதல் சுற்றிலேயே நேர் செட்களில் மோசமாகத் தோல்வியடைந்து
போட்டியில் இருந்து வெளியேறினார்.
இப்போது தர வரிசையில் 5வது இடத்தில் உள்ள அவர், பிரெஞ்சு பகிரங்க டென்னிஸ்
போட்டியில் சாம்பியன் பட்டம் வென்றார். எனவே உள்நாட்டில் நடைபெறும் போட்டியில் அவர்
சம்பியன் பட்டம் வெல்வார் என்று ரசிகர்கள் மிகுந்த நம்பிக்கை வைத்திருந்தனர்.
இந்நிலையில், அவரது தோல்வி ரசிகர்களுக்கு அதிருப்தியை ஏற்படுத்தியுள்ளது.

தங்கள்
கோபத்தை டென்னிஸ் ரசிகர்கள் இணைய தளத்தில் வெளிப்படுத்தியுள்ளனர். இணையத்தில் லீ நா
தோல்வி வெளியாகியுள்ள தளங்களில், பிரெஞ்சு பகிரங்க டென்னிஸ் போட்டியில் பெற்ற
வெற்றிக்குப் பின் விளம்பரங்களில் நடித்து பணம் சம்பாதிப்பதில்தான் அவர் கவனம்
செலுத்தினார்.

பயிற்சி செய்யக்கூட நேரமில்லை. இதனால்தான் சமீபத்தில் நடைபெற்ற
அமெரிக்க பகிரங்க விம்பிள்டன் போட்டி ஆகியவற்றில் தோற்றார். இப்போது உள்நாட்டிலும்
தோற்று அவமானத்தைத் தேடித் தந்துள்ளார் என்றும், விளம்பரங்களில் மட்டும் தான் லீ
நாவின் வேகம் தெரிகிறது. டென்னிஸ் மைதானத்தில் அவர் சோர்ந்துவிட்டார் என்றும் பலவாறு
ரசிகர்கள் லீ நாவை விமர்சித்துள்ளனர்.
இது தொடர்பாக கருத்துத் தெரிவித்துள்ள லீ நா கடும் விமர்சனங்களால் நம்பிக்கையை
முற்றிலுமாக இழந்துவிட்டேன். எனது மனதுக்கும் உடலுக்கும் நீண்ட ஓய்வு தேவைப்படுகிறது.
இந்த நிலை நிச்சயமாக மாறும் என்று கூறியுள்ளார்.