நான் இரண்டு வருடங்களாக, தமிழ் படங்களே பார்ப்பதில்லை

by **நேசமுடன் ஹாசிம்** Sat 8 Oct 2011 - 13:31

நான் தமிழ் படங்களை பார்த்து 2 ஆண்டுகள் ஆகிறது, என்று ஆஸ்கார் நாயகன் ஏ.ஆர்.ரகுமான் கூறியுள்ளார்.

ஆதி - தன்ஷிகா ஜோடி நடிக்க, வசந்தபாலன் டைரக்ஷனில், டி.சிவா தயாரித்து வரும்`அரவான்` படத்தின் பாடல்கள் வெளியீட்டு விழா, சென்னையில் நடந்தது. பாடல்களை, இசையமைப்பாளர் ஏ.ஆர்.ரகுமான் வெளியிட, டைரக்டர் மணிரத்னம் பெற்றுக்கொண்டார்.

அதன் பின்னர் நிகழ்ச்சியில் பேசிய ஏ.ஆர்.ரகுமான், `தமிழ் ரசிகர்கள் மத்தியில் சினிமா பற்றிய ஞானம் வளர்ந்து இருக்கிறது. அவர்களின் ரசனை உயர்ந்து இருக்கிறது. ஒரு படத்தின் `டிரைலரை பார்த்து, அது எப்படிப்பட்ட படம் என்பதை கணித்து விடுகிறார்கள். நான், தமிழ் படங்களை பார்த்து இரண்டு வருடங்கள் ஆகிவிட்டது. ஊர் ஊராக சுற்றிக்கொண்டிருக்கிறேன். இந்த படத்தின் காட்சிகளை பார்க்கும்போது, எனக்கும் அதிக தமிழ் படங்களுக்கு இசையமைக்க வேண்டும் என்ற ஆசை வந்து இருக்கிறது, என்று கூறினார்.
விழாவில் டைரக்டர்கள் கே.பாலசந்தர், மணிரத்னம், வெற்றி மாறன், `பிலிம்சேம்பர் தலைவர் கல்யாண், தமிழ் திரைப்பட தயாரிப்பாளர்கள் சங்க பொறுப்பு தலைவர் எஸ்.ஏ.சந்திரசேகரன், பட அதிபர்கள் எஸ்.தாணு, கேயார், டி.ஜி.தியாகராஜன், கே.முரளிதரன், அன்பாலயா கே.பிரபாகரன், தனஞ்செயன், வினியோகஸ்தர்கள் சங்க தலைவர் ஜி.சேகரன், நடிகர்கள் ஆதி, பசுபதி, நடிகை தன்ஷிகா, இசையமைப்பாளர் கார்த்திக், கவிஞர் விவேகா உள்ளிட்ட ஏராளமான திரையுலக பிரமுகர்கள் கலந்து கொண்டார்கள். தயாரிப்பாளர் டி.சிவா வரவேற்று பேசினார். டைரக்டர் வசந்தபாலன் நன்றி கூறினார்.