பாரத லச்மனின் தலையில் துமிந்த சில்வா சுட்டார்!! அவரை சுடுமாறு மெய்பாதுகாவலர்களுக்கும் உத்தரவிட்டார்

by **முனாஸ் சுலைமான்** Thu 13 Oct 2011 - 7:32

முன்னாள் நாடாளுமன்ற உறுப்பினர் பாரத லச்மன் பிரேமசந்திரவின் கொலை தொடர்பில் துமிந்த சில்வாவின் உத்தியோகபூர்வ மெய்பாதுகாவலரான பொலிஸ் கான்ஸ்டபிள்ளை விளக்கமறியலில் வைக்குமாறு நீதிமன்றம் உத்தரவிட்டுள்ளது.
அன்றைய தினம் அடையாள அணிவகுப்பை நடத்துமாறும் நீதிமன்றம் உத்தரவிட்டது.

மீஹிஹனை பொலிஸ் நிலையத்தின் பொலிஸ் கான்ஸ்டபிள்ளான அநுர துஸார என்பரே விளக்கமறியல் உத்தரவை பெற்றவராவார்.

கொலை செய்யப்பட்ட பிரேமசந்திரவின் சாரதி சாந்த பெரேரா என்பவர் வழங்கிய வாக்குமூலத்தின் அடிப்படையிலேயே அவர் கைது செய்யப்பட்டு நீதிமன்றத்தில் நேற்று ஆஜர் செய்யப்பட்டார்.

பிரேமசந்திரன் வாகனத்தை தாம் அங்கொடை சந்திக்கு அருகில் செலுத்திக் கொண்டிருந்த போது, இரண்டு கார்கள் தம்மை பின் தொடர்ந்து வந்தன.

இந்தநிலையில் சுமார் 20 வாகனங்களுடன் எதிரே வந்த வாகன தொடரணி, தமது வாகனத்தை வல்பொல ஸ்ரீமாவோ பண்டாரநாயக்க நூலகத்துக்கு எதிர் திசையில் வைத்து இடைமறித்தது.

இதன் போது தமது வாகனத்தில் இருந்து பாரத லச்மன் பிரேமசந்திர இறங்கினார். அதேநேரம் துமிந்த சில்வாவும் தமது வாகனத்தில் இருந்து இறங்கி வந்தார்.

இந்தவேளையில் இரண்டு தரப்பினருக்கும் இடையில் வாக்குவாதம் ஏற்பட்ட போது துமிந்த சில்வா, பாரத லச்மன் பிரேமசந்திரவை அறைந்தார். இதன் காரணமாக பிரேமசந்திர கீழை வீழ்ந்தார்.

இதனையடுத்து நாடாளுமன்ற உறுப்பினர் துமிந்த சில்வா, பாரத லச்மன் பிரேமசந்திரவின் தலையை நோக்கி துப்பாக்கி சூட்டை நடத்தினார்.

அத்துடன் தமது மெய்பாதுகாவலர்களையும் பிரேமசந்திரவின் மீது துப்பாக்கி சூட்டை மேற்கொள்ளுமாறு அவர் சத்தமிட்டார்.

இதன்போது அவர்களும் பிரேமசந்திரவின் மீது டி56 ரக துப்பாக்கிகளினால் சுட்டனர் என்று பிரேமசந்திரவின் சாரதி தமது வாக்குமூலத்தில் தெரிவித்துள்ளார்.