சந்'தோஷ'த்தில் உயிர்களை மாய்த்துக்கொண்ட தம்பதி!

by **gud boy** Fri 14 Oct 2011 - 16:17

39 வயதான ஆனந்த் ரவி, அமெரிக்காவின் ஃப்ளோரிடாவைத் தலைமையகமாகக் கொண்ட நிறுவனத்தில் தொழில்நுட்ப வல்லுநராகப் பணிபுரிந்துவந்தார்.
இந்தியாவின் கோவா மாநிலத்தில், பனாஜி நகரில் தன் மனைவி தீபாவுடன் இனிமையாக வாழ்ந்து வந்த நிலையில், கடந்த சனியன்று (08 அக்டோபர் 2011) இருவரும் தங்கள் வீட்டில் தூக்கில் தொங்கி வாழ்வை முடித்துக்கொண்டிருக்கிறார்கள்.

இனிமையும் மகிழ்ச்சியுமாய் இணைந்து வாழ்ந்துவிட்டோம், அதனால் வாழ்வை முடித்துக்கொள்கிறோம்" என்று தங்கள் இறப்புக்கு முந்தைய கடிதச் செய்தியில் குறிப்பிட்டுள்ளார்கள்.

பனாஜியின் புறநகரில் இருக்கும் ரவியின் வீட்டிலிருந்து 'பிணவாடை' அடிப்பதாக அக்கம்பக்கத்தார் காவல்துறைக்குத் தெரிவிக்க, காவலர்கள் வந்து கதவை உடைத்துத் திறந்து பார்த்ததில், கணவன் - மனைவி இருவரும் மின்விசிறியின் வளையத்தில் கயிறு மாட்டி தொங்கிக் கிடந்தது தெரிய வந்தது.

'இதனால் அறிவிக்கப்படுவது' என்ற தலைப்பில் எழுதப்பட்டிருந்த தற்கொலை கடிதத்தில், "எங்களின் இந்த வாழ்க்கை எங்களுக்குரியதே என்று நம்புகிறோம், வாழவும், சாகவும் எங்களுக்கு உரிமையிருக்கிறது. உலகின் பல பகுதிகளையும் சுற்றிப்பார்த்துவிட்டோம். பெருமளவு பணமும் இன்பமும் துய்த்துவிட்டோம், எனவே, இறந்துபோகிறோம்' என்று குறிப்பிடப்பட்டிருந்ததாம். மேலும் உடனிருந்த உயில் ஒன்றில் சொத்துகள் பகிரப்பட வேண்டிய விவரமும் தெரிவிக்கப்பட்டிருந்தததாம்.

காவல் ஆய்வாளர் எஃப். எக்ஸ். கார்ட்டெ கூறுகையில், "தற்கொலை கடிதம் ஒரு பக்கமிருந்தாலும், காவல்துறை உரிய முறைப்படி விசாரணை மேற்கொள்ளும்" என்றார்.