பெங்களூரூ சிறையில் அடைக்கப்பட்டிருந்த எடியூரப்பாவுக்கு நெஞ்சுவலி

by **நேசமுடன் ஹாசிம்** Sun 16 Oct 2011 - 12:13

அரசு நிலத்தை நிலமறு அறிவிப்பு மூலம் சிலருக்கு தாரை வார்த்த வழக்கில் கர்நாடக மாஜி முதல்வர் எடியூரப்பா பெங்களூரூ சிறையில் அடைக்கப்பட்டிருந்தார்.
அதிகாலையில் அவருக்கு வாந்தியும், நெஞ்சுவலியும் வந்ததால் அவசரமாக ஜெயதேவா ஆஸ்பத்திரியில் சேர்க்கப்பட்டார். இவர் அவசர சிகிச்சை பிரிவில் சேர்க்கப்பட்டிருந்தாலும் உடல் நிலை தற்போது சகஜமாக இருப்பதாக டாக்டர்கள் தெரிவித்தனர்.

எடியூரப்பா தனது ஆட்சி காலத்தில் அரசு நிலத்தை தனது மகன்கள் நடத்தும் கம்பெனிக்கு குறைந்த விலைக்கு தாரை வார்த்ததாக லோக்அயுக்தா சிறப்பு கோர்ட்டில் வழக்கு தொடரப்பட்டு விசாரணை நடந்து வருகிறது . எடியூரப்பா தாக்கல் செய்த முன் ஜாமின் மனுவை கோர்ட் நிராகரித்தது மாஜி இதனையடுத்து வாரண்ட் உத்தரவும் பிறப்பிக்கப்பட்டதால் அவரை கைது செய்ய போலீசார் அவரது வீட்டிற்கு சென்றனர், ஆனால் முன்கூட்டியே புறப்பட்டு கோர்ட்டுக்கு வந்து சரண் அடைந்தார். பின்னர் அவரை வரும் 22 ம் தேதி வரை சிறைக்காவலில் வைக்க நீதிபதி உத்தரவிட்டார்.

சிறையில் இருந்தபோது 2 மணியளவில் வாந்தி எடுத்தார். தொடர்ந்து தனக்கு நெஞ்சுவலி இருப்பதாகவும் கூறினார். இதனையடுத்து ஜெயில் அதிகாரிகள் அவரை ஆஸ்பத்திரியில் சேர்த்தனர்.

நலம் விசாரித்தார் முதல்வர் கவுடா : ஆஸ்பத்திரியில் சிகிச்சை பெற்று வரும் எடியூரப்பாவை அம்மாநில (கர்நாடகா) முதல்வர் சதானந்த கவுடா சந்தித்து நலம் விசாரித்தார், அவருடன் சில அமைச்சர்களும் சென்றனர்.