துருக்கியில் நில அதிர்வு: வீதிகளில் தங்கிய பொதுமக்கள்

துருக்கியில் ஈரான் எல்லையில் உள்ள வான்நகர் பகுதியில் நேற்று
முன்தினம் 7.2 ரிக்டர் அளவில் கடும் பூகம்பம் ஏற்பட்டது. அதில் வான்
மற்றும் எர்சிஸ் என்ற 2 நகரங்களும் அதை சுற்றியுள்ள பகுதிகளும் அடியோடு
அழிந்து தரை மட்டமாயின. 1000 வீடுகள் இடிந்து நொறுங்கின. 279 பேர் பலியாகி
உள்ளனர்.

1,300 பேர் காயம் அடைந்தனர். சுமார் 1
லட்சம் மக்கள் வீடு களை இழந்து தவிக்கின்ற னர். இடிபாடுகளை அகற்றி அதில்
சிக்கியவர் களை மீட்கும் பணி நடைபெறு கிறது. மேலும் இறந்தவர் களின்
பிணங்களும் அகற்றப்பட்டு வருகின்றன. எனவே சாவு எண்ணிக்கை உயரும் அபாயம்
உள்ளது.

மீட்பு பணியில் 3 ஆயிரம் பேர்
ஈடுபட்டுள்ளனர். சிறப்பு பயிற்சி பெற்ற 12 மோப்ப நாய்கள், 680 பேர் அடங்கிய
மருந்துவர் குழுக்கள், 108 ஆம்புலன்சுகள், 7 ஹெலிகாப்டர்
ஈடுபடுத்தப்பட்டுள்ளன. மேலும் மணல் வாரி எந்திரங்கள் மூலம் இடிபாடுகள்
அகற்றப்படுகின்றன. கட்டிட இடிபாடுகளுக்குள் சிக்கி கிடப்பவர்கள்
மீட்கப்பட்டு ஆஸ்பத்திரிகளில் அனுமதிக்கப்பட்டு வருகின்றனர்.


பூகம்பத்தை
தொடர்ந்து வான் மற்றும் எர்சிஸ் நகர பகுதிகளில் 200 தடவைக்கு மேல் நில
அதிர்வுகள் ஏற்பட்டன. இதனால் பீதி அடைந்த மக்கள் வீடுகளில் தங்குவதற்கு
அச்சப்பட்டனர். எனவே 2-வது நாளான நேற்று வீதிகளில் தங்கினர். துருக்கியில்
தற்போது கடும் குளிர் நிலவுகிறது. அதையும் பொருட்படுத்தாமல் மிகவும்
அவதிப்பட்டனர்.

பலர் வீதிகளில் அமைக்கப்பட்ட
கூடாரங்களில் தஞ்சம் புகுந்தனர். தாங்கள் தங்குவதற்கு போதிய கூடாரம் இல்லை.
எணவு வழங்கப்படவில்லை என அரசை குறை கூறினர்.