நமீதா எனக்கு சிறந்த தோழி மனம் திறக்கிறார் சிநேகா!

by **நண்பன்** Tue 25 Oct 2011 - 11:03

நடிகைகள் சினேகாவும் நமீதாவும் நெருங்கிய தோழிகளாய் உள்ளனர். “நான்
அவனில்லை” படத்தில் இருவரும் சேர்ந்து நடித்தார்கள். அப்போது இருந்தே
அவர்கள் நட்பு தொடர்கிறது. நமீதா சென்னை வரும் போதல்லாம் சினேகாவை
சந்திக்கிறார். இருவரும் ஒன்றாக விருந்து சாப்பிடுகிறார்கள். சமீபத்தில்
கலை நிகழ்ச்சிக்காக லண்டன் சென்றனர்.

அங்கு இணைந்து
ஆட்டம் பாட்டு என கலக்கினர். லண்டன் கடை வீதிகளிலும் ஒன்றாக சுற்றி
பொருட்களை வாங்கி குவித்தனர். நமீதாவுடனான நட்பு பற்றி சினேகா கூறும்போது
நடிகர், நடிகைகள் பிரபலங்களாக இருந்தாலும் நாங்களும் சாதாரண மனிதர்கள்தான்.
எங்களுக்கும் மற்றவர்கள் போல் எல்லா உணர்ச்சிகளும் உள்ளது.

எனக்கு
கவலைகள் மன அழுத்தங்கள் வரும் போதெல்லாம் மும்பையில் இருக்கும்
நமீதாவுக்கு போன் செய்வேன். அவர் எனக்கு ஆறுதலான வார்த்தைகளை சொல்வார்.
நான் மனம்விட்டு பேசுகிற தோழியாக நமீதா இருக்கிறார். அவரை மிகவும்
நேசிக்கிறேன். எனது அம்மா, அப்பாவை தாண்டி எனக்குள்ள ஒரே பலம். நமீதாவின்
நட்பு என்றார்.

சினேகா தற்போது முரட்டுக்காளை,
விடியல் போன்ற படங்களில் நடிக்கிறார். ராஜண்ணா என்ற தெலுங்கு படமும் கைவசம்
உள்ளது. ஒரு மலையாள படத்துக்கும் ஒப்பந்தமாகி உள்ளார்.