பந்துவீச்சில் அஜந்த மென்டிஸ் துடுப்பாட்டத்தில் மோர்கன் முதலிடத்தில்

20க்கு 20 கிரிக்கெட்:

பந்துவீச்சில் அஜந்த மென்டிஸ்
துடுப்பாட்டத்தில் மோர்கன்
முதலிடத்தில்



சர்வதேச கிரிக்கட் கவுன்சில் வெளியிட் டுள்ள 20க்கு இருபது கிரிக்கட் போட்டியின்
தரப்படுத்தலில் இலங்கை அணியின் சுழற்பந்துவீச்சாளர் அஜந்த மென்டிஸ் முதலாம் இடத்தைப்
பெற்றுள்ளார்.
நடப்பு சம்பியன் இங்கிலாந்து அணியின் துடுப்பாட்ட வீரர் ஈயன் மோர்கன் துடுப்பாட்ட
வீரர்களில் முதலாமிடத்தையும், அவுஸ்திரேலிய அணியின் ஆரம்பத் துடுப்பாட்ட வீரர் ஷோன்
வெட்சன் சகல துறை ஆட்டங்களில் முதலாமிடத்தையும் பெற்றுள்ளனர்.
நடப்பு சம்பியன் இங்கிலாந்து 127 புள்ளிகளை பெற்று முதலாமிடத்தையும், இலங்கை அணி
126 புள்ளிகளுடன் இரண்டாமிடத்திலும் இருக்கின்றது.
இதே வேளை இந்தியாவுடன் ஒக் டோபர் மாதம் 29ம் திகதி நடைபெறும் போட்டியில்
தோல்வியடையும் சந்தர்ப்பத்தில் இலங்கை அணி தரப்படுத்தலில் முதலா மிடத்திற்கு
வருவதற்கான வாய்ப்புகள் உள்ளன. இத்தரப்படுத்தலில் நியுசிலாந்து 117 புள்ளிகள் பெற்று
மூன்றாமிடத்திலும் தென்னாபிரிக்கா, இந்தியா, அவுஸ்திரேலியா ஆகியன முறையே நான்காம்,
ஐந்தாம் மற்றும் ஆறாம் இடத்தில் இருக்கின்றன.
2009ம் ஆண்டின் 20க்கு 20 போட்டியின் சம்பியன் பாகிஸ்தான் அணி 7ம் இடத்திலும்
மேற்கிந்தியத்தீவுகள் 8ம் இடத்திலும் ஆப்கானிஸ்தான் மற்றும் சிம்பாப்வே அணிகளும்
ஏனைய இடங் களை பெற்றுள்ளன.
இதேவேளை பங்களாதேஷ் மற்றும் ஐ.சி.சி.யின் ஏனைய நாடுகளான கனடா, அயர்லாந்து, கென்யா,
நெதர் லாந்து மற்றும் ஸ்கொட்லாந்து ஆகியன 20க்கு 20 போட்டியில் கலந்து கொண் டாலும்
2009ம் ஆண்டு குறைந்த பட்சம் 8 போட்டிகளில் பங்குபற்றினால் மாத்திரமே அந்த அணி
தரப்படுத்தலில் இணைத்துக் கொள்ளப்படும்.
2009ம் ஆண்டு முதல் இங்கிலாந்து அணி 20க்கு 20 போட்டியில் 12 வெற்றிகளையும், ஆறு
தோல்வியையும் இரண்டு போட்டி களில் சமநிலையில் முடிவடைந்துள்ளன.
பாகிஸ்தான் அணி ஆகக் கூடுதலாக 24 போட்டிகளில் பங்கு பற்றி 50வீதத்திற்கு கூடுதலான
தோல்வியை பெற்றமை யினாலேயே தரப்படுத்தலில் 7 இடத்தில் இருக்கின்றது.

:”@: