இதுவும் வறுமை

by **gud boy** Tue 1 Nov 2011 - 18:00

கொழுத்தச் சொந்தங்கள்
இருந்தாலும்;
கொளுத்தும் தனிமையில்
உழலும் நான்
கொண்ட வறுமை!

சேமித்தப் பணத்தைச்
சோற்றுக்கும்;
சொகுசுக்கும்;
உனக்காக அனுப்பினாலும்;
உன் கையில்
ஒருக் குவளை நீர்
அருந்த முடியா
நான் அடையும் வறுமை!

வண்ணப் புகைப்படத்தில்
கன்னங் குழித் தோண்டி;
நீ பூரித்தாலும்;
உன் கை ரோமத்தைக்கூடத்
தீண்ட முடியா;
தீண்டா இயலாமை வறுமை!

ஏற்ற இறக்குத்துடன்
உன் குரல் என்
செவிகளில் கதறினாலும்;
ஆறுதல் சொல்ல;
உன் விழி கக்கும்
வியர்வையை
விரல் தொட்டுத் துடைக்க
முடியாமல் போன
என் அருமை வறுமை!

--
-யாசர் அரஃபாத்

http://itzyasa.blogspot.com

by **நண்பன்** Tue 1 Nov 2011 - 21:56

நிச்சியமாக இவைகள்தான் வறுமை
நானேல்லாம் வறுமையின் அடிமட்டத்தில் உள்ளேன்
மிக்க நன்றி உறவே சிறப்பாக உள்ளது.

by **kalainilaa** Tue 1 Nov 2011 - 21:59

வண்ணப் புகைப்படத்தில்
கன்னங் குழித் தோண்டி;
நீ பூரித்தாலும்;
உன் கை ரோமத்தைக்கூடத்
தீண்ட முடியா;
~~தீண்டா இயலாமை வறுமை!~~

நிலை ,ரொம்ப கொடுமை .

:!+: :!+: :!+: :!+: