ஒசாமாவை சவாஹிரி காட்டிக் கொடுத்ததாக தகவல்

ஒசாமாவை சவாஹிரி காட்டிக் கொடுத்ததாக தகவல்



ஒசாமா பின் லேடனைக் காட்டிக் கொடுத்தவர் அந்த அமைப்பின் துணைத் தலைவரான அய்மன் அல்
சவாஹிரி என்று புதிய தகவலொன்று வெளியாகியுள்ளது. ஒசாமா பின்லேடன் கடந்த மே 2ம் திகதி
பாகிஸ்தானில் உள்ள அபோத்தாபாத் நகரில் இருந்த வீட்டில் அமெரிக்க கமாண்டோக்களால்
கொல்லப்பட்டார்.
ஐந்தாண்டுகளுக்கும் மேலாக பதுங்கியிருந்த இவரது மறைவிடத்தைக் கண்டுபிடிக்க உதவியாக
இருந்தது சவாஹிரி அனுப்பிய பொதி அஞ்சல்தான் என்று முன்னாள் அமெரிக்க கடற்படை கமாண்டோ
சுக் பாரர் தெரிவித்துள்ளார்.
ஒசாமா பின் லேடனைக் கொலை செய்வதற்கு வீட்டிற்குள் நுழைந்த 6 கமாண்டோக்களில் பாரரும்
ஒருவர். இவர் எழுதிய புத்தகத்தில் பல திடுக்கிடும் தகவல்கள் வெளியாகியுள்ளன.
தனது புத்தகத்தில் சுக் பாரர் எழுதியிருப்பது, பின்லேடனை ரஷியர்கள் கொன்று
விடுவார்கள் என் சவாஹிரி எதிர்பார்த்தார் ஆனால் அது நடக்கவில்லை. அவருக்கு இருந்த
அடிசன்ஸ் நோய் காரணமாக பின்லேடன் இறந்துவிடுவார் என்ற எதிர்பார்ப்பும் பொய்த்துப்
போனது. கடைசியாக பொதி அஞ்சல்களை அதிகம் அனுப்பி சி.ஐ.ஏ. கவனத்தை ஈர்த்து அதன் மூலம்
பின் லேடனுக்கு முடிவு கட்டி, தலைமைப் பதவியை பிடித்துள்ளார் சவாஹிரி என்று அவர்
தனது புத்தகத்தில் எழுதியுள்ளார்.
60 வயதான பாரர் எழுதிய 225 பக்க புத்தகத்தில் ஒசாமா பின்லேடன் மீது நடத்தப்பட்ட
தாக்குதல் குறித்த தகவல்கள் இடம்பெற்றுள்ளன.

திசை திருப்பும் செய்தி :+:-: யா இது.