இலங்கை -பாகிஸ்தான் அணிகளுக்கிடையேயான மூன்றாவது ஒருநாள் போட்டி இன்று டுபாயில்

இலங்கை -பாகிஸ்தான் அணிகளுக்கிடையேயான
மூன்றாவது ஒருநாள் போட்டி இன்று டுபாயில்



இலங்கை - பாகிஸ்தான் அணிகள் மோதும் 3வது சர்வதேச ஒருநாள் போட்டி இன்று டுபாயில்
இடம்பெறுகிறது. இலங்கை - பாகிஸ்தான் அணிகள் மோதிய 2 ஒருநாள் போட்டிகளில் இரு
அணிகளும் தலா ஒவ்வொரு போட்டிகள் வீதம் வென்று சமநிலையில் உள்ளன.
இதேவேளை இன்று இடம் பெறும் போட்டி இரு அணிகளுக்கும் மிக முக்கியத்துவம் வாய்ந்த
போட்டியாகும். இப்போட்டியில் இரண்டு அணிகளும் வென்றால் மாத்திரமே தொடரைக் கைப்பற்ற
முடியும்.

இலங்கை அணியைப் பொறுத்த வரையில் டில்சான் தலைமையிலான அணியினர் 2வது
ஒருநாள் போட்டியில் சிறப்பான துடுப்பாட்டம், பந்து வீச்சின் மூலம் இலங்கை அணி
வெற்றியீட்டியது.
அதேபோல் இன்று இடம்பெறும் போட்டியையும் இலங்கை அணி பந்து வீச்சு, துடுப்பாட்டம்
என்பனவற்றில் சற்று நிதானமாக செயற்பட்டு தொடரைக் கைப்பற்ற வேண்டிய நிலையில் உள்ளனர்.
இலங்கை அணி சார்பாக தரங்க, மஹேல ஜயவர்தன ஆகியோர் துடுப்பாட்டத்தில் சிறப்பாக
பிரகாசித்ததாலும் பந்து வீச்சில் மலிங்க, டில்கார பெர்ணான்டோ ஆகியோரின் பந்து
வீச்சாலும் இலங்கை அணி 25 ஓட்டங்களால் வெற்றி பெற்றது.
இதேவேளை இலங்கை அணியில் சுரங்க லக்மாலுக்குப் பதிலாக சானக்க வெலகெதரவை அணியில்
இணைத்துக் கொள்ளப்பட்டுள்ளார். சுரங்க லக்மாலுக்கு காலில் காயம் ஏற்பட்டுள்ளதால்
அவர் ஒருநாள் மற்றும் 20க்கு 20 போட்டிகளில் இருந்து விலகிக் கொண்டதை அடுத்தே
சானக்க வெலகெதர அணியில் இணைத்துக்கொள்ளப்பட்டுள்ளார்.

அவரை இணைத்துக்கொள்ள
விளையாட்டுத்துறை அமைச்சர் மஹிந்தானந்த அளுத்கமகே அனுமதி வழங்கி இருந்தார் என்பது
குறிப்பிடத்த க்கது.
இதேவேளை இன்றைய போட்டியில் பாகிஸ்தான் அணியும் தாங்கள் வெல்ல வேண்டிய கட் டாய
நிலையில் உள்ளதால் அவ்வணியும் பந்து வீச்சு, களத்தடுப்பு, துடுப்பாட்டம் என்பவற்றில்
சற்றுக் கவனம் செலுத்தி வெல்லும் முனைப்பில் இருக்கும் என்பது உறுதி.
எது எப்படியோ, இலங்கை அணி இப்போட்டியில் சகலதுறையிலும் பாகிஸ்தான் வீரர்களை வீழ்த்தி
வெல்லக்கூடிய நிலையில் உள்ளது என்று அணியின் துடுப்பாட்ட பயிற்சியாளர் மாவன்
அத்தபத்து தெரிவித்துள்ளார்.
இன்றைய ஆட்டம் இரண்டு அணிக்கும் பலத்த எதிர்பார்ப்பாக இருக்கும் என்பதில்
ஆச்சரியமில்லை.