ஆட்சி மாற்ற ஒப்பந்தத்தில் கையெழுத்திட யெமன் ஜனாதிபதி சவூதி பயணம்

by *சம்ஸ் Thu 24 Nov 2011 - 6:27

ஆட்சி மாற்ற ஒப்பந்தத்தில் கையெழுத்திட யெமன் ஜனாதிபதி சவூதி பயணம்
யெமனில் தொடரும் அரசியல் நெருக்கடியை முடிவுக்கு கொண்டுவரும் வளைகுடா ஒத்துழைப்பு கவுன்ஸிலின் ஒப்பந்தத்தில் கையெழுத்திட அந்நாட்டு ஜனாதிபதி அலி அப்துல்லா சலே நேற்று சவூதி அரேபியா சென்றடைந்தார்.

சவூதி தலைநகர் ரியாதை சென்றடைந்த ஜனாதிபதி சலே யெமனில் ஆட்சி மாற்றத்திற்கான வளைகுடா ஒப்பந்தத்தில் கைச்சாத்திடுவார் என யெமன் அரச ஊடகமான சபா செய்தி வெளியிட்டுள்ளது.

ஏற்கனவே யெமன் ஜனாதிபதி சலே பிரான்ஸ் தொலைக்காட்சி ஒன்றுக்கு அளித்த பேட்டியில் 90 நாட்களுக்குள் பதவி விலக உள்ளதாக அறிவித்திருந்தார்.

யெமன் அரசுக்கு எதிராக கடந்த 6 மாதங்களுக்கு மேலாக மக்கள் ஆர்ப்பாட்டத்தில் ஈடுபட்டு வருகின்றமை குறிப்பிடத்தக்கது.