சில்லறை வர்த்தகத்தில் அந்நிய முதலீடு

சில்லறை வர்த்தகத்தில் அந்நிய முதலீடு
விஜயகாந்த் கண்டனம்
இந்திய அரசு சில்லறை வர்த்தகத்திலும் அந்நிய முதலீட்டிற்கு வழிவகை செய்துள்ளது. ஒரே ஒரு பொருளை மட்டும் விற்பனை செய்யும் அந்நிய நிறுவனங்கள் 100 சதவிகிதம் நேரடி முதலீடு செய்யலாம் என்றும் பல்வேறு பொருட்களை தயார் செய்யும் நிறுவனங்கள் 51 சதவிகிதம் முதலீடு செய்யலாம் என்றும் அறிவித்ததன் மூலம் வளர்ந்த நாடுகளில் உள்ள பகாசூர கம்பனிகள் இந்தியாவில் புகுந்து கொள்ளை லாபம் சம்பாதிக்க இந்திய அரசு வழி ஏற்படுத்தி கொடுத்துள்ளது.

இத்தகைய முடிவினால் சிறு வியாபாரிகளின் வாழ்வு சூறையாடப்படும் என்பதில் சந்தேகமில்லை. சிறு மற்றும் நடுத்தர தொழில்களும் பெரிதும் பாதிக்கப்படும்.

இது நம்முடைய பொருளாதாரத்தை சீர்குலைப்பது மட்டுமல்ல. வேலையில்லாத் திண்டாட்டத்தையும் அதிகரித்து கோடிக் கணக்கான குடும்பங்களை நடுத்தெருவில் நிறுத்தி விடும். ஒரு அரசின் பொருளாதாரக் கொள்கை அந்த நாட்டு மக்கள் அனைவருக்கும் கண்ணியமான வேலை வாய்ப்பைத் தருவதாகவும், கெளரவமான ஊதியத்தை பெறுவதாகவும், அமைந்திருக்க வேண்டும். அதற்கு மாறாக இந்திய அரசு நடவடிக்கையின் மூலம் சாதாரண மக்களின் சொற்ப வாழ்வையும் பறிப்பதாக உள்ளது கண்டிக்கத் தக்கதாகும்.

அந்நிய நாட்டு முதலீடு நம்முடைய நாட்டில் கூடவே கூடாது என்று நான் கூறவில்லை. அந்நிய நாட்டு முதலீடு ஒன்று நம்முடைய நாட்டின் தொழில் நுட்பத்தை மேம்படுத்துவதாக இருக்க வேண்டும் என்று விஜயகாந்த் தெரிவித்தார்.

பரவாயில்லை பாட்டில் அண்ணன் விஜய் இப்ப தெளிவா பேசுரமாதிரி தெரியுதே