கனிமொழிக்கு ஜாமீன் கிடைத்தது மகிழ்ச்சியளிக்கின்றது: கருணாநிதி

by **நண்பன்** Tue 29 Nov 2011 - 9:36

சென்னையில் பத்திரிகையாளர்களை சந்தித்த கனிமொழியின் தந்தையும், தி.மு.க. தலைவருமான கருணாநிதி கூறியதாவது: -

கனிமொழிக்கு ஜாமீன் கிடைத்துள்ளது. இப்போது உங்கள் மனநிலை எவ்வாறு உள்ளது?என்ற கேள்விக்கு மிகவும் மகிழ்ச்சியாக இருக்கிறது.

ராசாவையும்
ஜாமின் மனு தாக்கல் செய்யக்கோரி கட்சி சார்பில் வலியுறுத்தப்படுமா? என்ற
கேள்விக்கு, அதைப் பற்றி ராசா என்னுடைய கருத்துக்களைக் கேட்டால் உரிய
கருத்துக்களைச் சொல்வேன். இதுவரை ராசா அதைப்பற்றி என்னிடம் பேசவில்லை.

கனிமொழிக்கு
புதிய பதவி வழங்கப்படுமா? என்ற கேள்விக்கு அப்பா என்ற முறையில்
மகிழ்ச்சியைத் தெரிவித்தேன். தலைவர் என்பதற்காக நான் சர்வாதிகாரி அல்ல.
எல்லோரும் சேர்ந்ததுதான் கட்சி. எனவே கட்சிதான் எந்த முடிவையும் செய்யும்.

கனிமொழியின் தாயார் எப்படி இருக்கிறார்?என்ற கேள்விக்கு அவர் அளவற்ற மகிழ்ச்சியுடன் இருக்கிறார். தாய் உள்ளம் அல்லவா?

அவர்கள் வந்தவுடன் முதலில் என்ன சொல்ல விரும்புகிறீர்கள்? என்ற கேள்விக்கு அப்பாடா! வந்தியா? என்றார்.

மாலை மலர்