சினிமா படமாகும் சில்க் ஸ்மிதா, படாபட் ஜெயலட்சுமி விஜி, மோனல் தற்கொலைகள்

by **நண்பன்** Wed 30 Nov 2011 - 12:18

நடிகைகள் நிஜ வாழ்க்கை “ஒரு நடிகையின் வாக்குமூலம்” என்ற பெயரில்
படமாகிறது. இதில் சோனியா அகர்வால் நாயகியாக நடிக்கிறார். சதன், நிக்கோல்,
ஜோதிலட்சுமி, மனோபாலா, கஞ்சா கருப்பு, கோவை சரளா, யோகி தேவராஜ் உள்ளிட்ட
பலர் நடிக்கின்றனர்.

டைரக்டர்கள் விக்ரமன், ஏ.
வெங்கடேஷ், ராசு மதுரவன், செல்வபாரதி, சுராஜ் ஆகியோர் இயக்குனர்களாகவே
வருகின்றனர். இப்படத்தை ராஜ்கிருஷ்ணா இயக்கி உள்ளார். புன்னகைப் பூ கீதா
தயாரித்துள்ளார். படப்பிடிப்பு முடிந்து ரிலீசுக்கு தயாராகிறது.

இந்த
படத்தில் நடிகைகள் தற்கொலை பின்னணி காட்சிபடுத்தப்பட்டு உள்ளது. முன்னணி
நடிகைகளாக இருந்த “பசி” ஷோபா, சில்க் ஸ்மிதா, படாபட் ஜெயலட்சுமி, மோனல்,
திவ்யாபாரதி, உள்ளிட்டோர் பல்வேறு காரணங்களால் தற்கொலை செய்து கொண்டனர்.
பிரதீஷா கொலை செய்யப்பட்டார். இதன் உண்மைக் காரணங்கள் இப்படத்தில்
சொல்லப்படுகிறது.

இது குறித்து இயக்குனர்
ராஜ்கிருஷ்ணா கூறும்போது, நடிகைகளுக்கு அன்பு, குடும்ப பாசங்கள் கிடைப்பது
இல்லை. எனவே காதல் என்ற பெயரில் ஏமாற்றப்படுகிறார்கள். தோல்வியை தாங்க
முடியாமல் தற்கொலை வரை செல்கிறார்கள். சிலர் மது பழக்கத்துக்கு
அடிமையாகிறார்கள். ஏக்கம், விரக்தி போன்றவற்றால் தற்கொலை செய்து கொண்ட
நடிகைகளுக்கு இப்படத்தை சமர்ப்பணம் செய்கிறேன் என்றார்.
மாலை மலர்