அமெரிக்க அதிபர் ஒபாமா, இங்கிலாந்து பிரதமர் டேவிட் கேமரூன் பெறும் சம்பளத்தை விட அதிகம்

by **நேசமுடன் ஹாசிம்** Fri 2 Dec 2011 - 8:55

அமெரிக்க அதிபர் ஒபாமா, இங்கிலாந்து பிரதமர் டேவிட் கேமரூன் ஆகியோரை விட ஆஸ்திரேலிய பிரதமர் ஜூலியா கில்லார்டு அதிக சம்பளம் பெறுகிறார்.

ஆஸ்திரேலியாவில் பிரதமர், அமைச்சர்கள் மற்றும் எம்.பி.க்களின் சம்பளத்தை உயர்த்த அந்நாட்டின் சம்பள டிரிபியூனல் முடிவு செய்துள்ளது. இதன்படி, அந்நாட்டின் பெண் பிரதமரான ஜூலியா கில்லார்டுக்கு சம்பளத்தில் 90 ஆயிரம் அமெரிக்க டாலர்கள் அதிகரிக்கிறது. புதிதாக தேர்வான எம்.பி.க்களுக்கே 1 லட்சத்து 40 ஆயிரம் டாலர்களில் இருந்து 1 லட்சத்து 80 ஆயிரம் டாலர்களாக சம்பளம் உயர்த்தப்படுகிறது. இதில் மற்ற அலவன்ஸ்களும் அடங்கும்.

பிரதமரை பொறுத்தவரை அலவன்ஸ்களுடன் சேர்த்து 4 லட்சத்து 70 ஆயிரம் அமெரிக்க டாலர்கள் கிடைக்கப் போகிறது. இது அமெரிக்க அதிபர் ஒபாமா, இங்கிலாந்து பிரதமர் டேவிட் கேமரூன் பெறும் சம்பளத்தை விட அதிகமாகும். ஒபாமா 4 லட்சம் அமெரிக்க டாலர்களும், கேமரூன் 2 லட்சத்து 21 ஆயிரம் அமெரிக்க டாலர்களும் சம்பளமாக பெறுகின்றனர் என்பது குறிப்பிடத்தக்கது. ஆஸ்திரேலிய பிரதமர் சம்பள உயர்வு பற்றி மெல்போர்னில் வெளியாகும் கொரியர் மெயில் பத்திரிகை செய்தி வெளியிட்டுள்ளது.