ரஷ்ய தேர்தல் முறைகேடு: விசாரிக்க ஜனாதிபதி உத்தரவு

ரஷ்யாவில் நடந்த பாராளுன்ற தேர்த லில் முறை கேடு நடந்ததாக எழுந்த புகாரினை அடுத்து விரிவான விசார ணை நடத்த ஜனா திபதி டிமிட்ரி மெத்வதேவ் உத்தர விட்டுள்ளார்.

கடந்த 4 ஆம் திகதி நடந்த பொதுத் தேர்தலில் முறை கேடு நடந்ததாக எழுந்த புகாரைத் தொடர்ந்து அந்நாட்டு மக்கள் கடும் ஆர்ப்பாட்டத்தில் இறங்கி யுள்ளனர். தலைநகர் மொஸ்கோவில் 30 ஆயிரத்திற்கும் அதிகமானோர் கண்டன பேரணி நடத்தினர். பிரதமர் விளாடிமிர் புடின் பதவியை ராஜினாமா செய்ய கோரிக்கை விடுத்துள்ளனர்.

இதற்கிடையே பாராளுமன்ற தேர்தலில் நடந்த முறைகேடுகள் குறித்து அந்நாட்டு ஜனாதிபதி டிமெட்ரி மெத்வதேவ் விரிவான விசாரணை நடத்த அதிகாரிகளுக்கு உத்தரவிட்டுள்ளார். புடினுக்கு எதிராக கண்டன கோஷங்கள், அந்நாட்டு பேஸ்புக் உள்ளிட்ட சமூக வலை தளங்கள் வாயிலாக வேகமாக பரவி வருகின்றன.

ரஷ்ய அரசியல் வரலாற்றில் கடந்த 20 ஆண்டுகளில் இல்லாத அளவில், இது போன்று ஒரு மக்கள் போராட்டம் நடந்ததில்லை என கூறப்படுகிறது. இன்னும் ஓரிரு நாட்களில் அதிபர் டிமெட்ரி மெத்வதேவ், அல்லது விளாடிமிர் புடின் யாரேனும் ஒருவர் நேரடியாகவோ தொலைக்காட்சியின் வாயிலாகவோ மக்களுக்கு விளக்கமளிக்க உள்ளனர்.