பாராளுமன்றத்தில் லோக்பால் மசோதா நிறைவேறும் நம்பிக்கை இருக்கிறது: அன்னாஹசாரே பேட்டி

ஊழல் எதிர்ப்பாளர் அன்னாஹசாரே டெல்லியில் இன்று பேட்டி அளித்தார். அப்போது அவர் கூறியதாவது:-

ஆட்சி
அதிகாரத்தில் உள்ள அனைவரும் லோக்பால் மசோதாவை நிறைவேற்றுவோம் என்று உறுதி
அளித்துள்ளனர். அவர்களை நாங்கள் நம்புகிறோம். லோக்பால் மசோதா நிறைவேறும்
என்ற நம்பிக்கை இருக்கிறது. ஒருவேளை அவர்கள் லோக்பால் மசோதாவை
பாராளுமன்றத்தில் நிறைவேற்றவில்லை எனில், நாங்கள் போராட்டத்தில்
இறங்குவோம்.

லோக்பால் மசோதா மீது விவாதம் நடத்த
காலம் போதவில்லை எனில் லோக்பால் மசோதாவை நிறைவேற்றுவதற்காக பாராளுமன்ற
குளிர்கால கூட்டத்தொடரை நீட்டிக்க வேண்டும். லோக்பால் மசோதா நாட்டுக்கு
முக்கியமானது. பாராளுமன்ற கூட்டத்தொடர் நீட்டிக்கப்பட்ட உதாரணங்கள் இதற்கு
முன்பு நிறைய உள்ளன. அதுபோல் இப்போதும் செய்யலாம்.

பாராளுமன்றத்தில்
லோக்பால் மசோதா நிறைவேற்றப்படவில்லை என்றால், திட்டமிட்டப்படி 27-ந்தேதி
உண்ணாவிரதம் இருப்பேன். அப்போதுள்ள பருவ நிலையை பொறுத்து உண்ணாவிரத இடம்
முடிவு செய்யப்படும். பருவ நிலை நன்றாக இருந்தால் டெல்லியில் உண்ணாவிரதம்
மேற்கொள்வேன். இல்லையெனில் உண்ணாவிரதம் வேறு இடத்துக்கு மாற்றப்படும்.

சி.பி.ஐ.
அமைப்புக்கு தன்னாட்சி அந்தஸ்து அளிக்கப்படவேண்டும் என்று சமாஜ்வாடி,
பகுஜன் சமாஜ் கட்சி, இடதுசாரிகள், பாரதீய ஜனதா போன்ற கட்சிகள் குரல்
கொடுக்கின்றன. ஆனால் காங்கிரஸ் தரப்பில் இருந்து சத்தமே வரவில்லை. இதில்
அவர்களது கருத்து என்ன என்பதை அறிய விரும்புகிறேன்.

இவ்வாறு அன்னா ஹசாரே கூறினார்.

இதற்கிடையே அன்னா ஹசாரேக்கு காங்கிரஸ் மூத்த தலைவர் திக்விஜய்சிங் பதிலடி கொடுத்துள்ளார். அவர் கூறியதாவது:-

அன்னாஹசாரே
லோக்பால் மசோதாவுக்காக மத்திய அரசை பிளாக்மெயில் செய்வதுபோல் நடந்து
கொள்ளக்கூடாது. அன்னாஹசாரேக்கு பின்னால் ஆர்.எஸ்.எஸ்., பாரதீய ஜனதா போன்றவை
உள்ளன. அதை வைத்து அன்னா ஹசாரே மிரட்டுகிறார்.

இவ்வாறு அவர் கூறினார்.

மாலை மலர்

இந்த தாத்தா தொல்லை தாங்க முடியவில்லை :!.:

ரெம்ப படுத்துறான் நாட்டையே இன்று குழப்பிக்கொண்டு திரிகிறான்