தேனியில் வாலிபர் தீக்குளிப்பு

by *சம்ஸ் Wed 21 Dec 2011 - 6:28

கேரளாவில், தமிழர்கள் தாக்கப்படுவதை கண்டித்து தேனியை சேர்ந்த வாலிபர், உடலில் பெட்ரோல் ஊற்றி தீ வைத்துக் கொண்டார். முல்லைப்பெரியாறு அணை விவகாரத்தில் கேரள அரசின் செயல்பாடுகளை கண்டித்து தேனி, மதுரை, திண்டுக்கல் உள்ளிட்ட மாவட்டங்களில் போராட்டங்கள் நடந்து வருகின்றன.

இதனால் கடந்த 15 நாட்களாக தேனி மாவட்டத்தில் இருந்து கேரளாவுக்கு வாகன போக்குவரத்து நிறுத்தப்பட்டுள்ளது. இச்சம்பவம் குறித்து தகவல் பரவியதும் தேனி பஸ் நிலைய பகுதியில் இருந்த அனைத்து கடைகளும் அடைக்கப்பட்டன. தேனியில் இருந்து செல்லக்கூடிய பஸ்களும் நிறுத்தப்பட்டன. இதனால் தேனியில் பதற்றம் ஏற்பட்டுள்ளது.