கடனை அடைக்க பரோட்டா சுடும் பஞ்சாயத்து தலைவர்

by *சம்ஸ் Thu 29 Dec 2011 - 6:30

கடனை அடைக்க பரோட்டா சுடும் பஞ்சாயத்து தலைவர்
உள்ளுராட்சி தேர்தல் செலவுக்கு வாங்கிய கடனை அடைக்க, அ.தி.மு.க.வை சேர்ந்த பஞ்சாயத்து தலைவர் ஒருவர், பரோட்டா கடை வைத்து, அவரே பரோட்ட போடுவதாக பணிபுரிந்து வருகிறார்.

கிராம பஞ்சாயத்து தலைவராக, அ.தி.மு.க.வை சேர்ந்த வேலுசாமி (56) உள்ளார். கடந்த, 2006ம் ஆண்டு முதல் பஞ்சாயத்து தலைவராக இருக்கும் வேலுசாமி, 2011 உள்ளூராட்சி தேர்தலிலும் போட்டியிட்டு, பஞ்சாயத்து தலைவராக வெற்றி பெற்றார். உள்ளூராட்சி தேர்தல் செலவுக்கு, உறிவினர்கள், நண்பர்களிடம் கணிசமான தொகை கடனாக பெற்றார்.

தேர்தல் முடிந்துவிட்டதால், கடன் கொடுத்தவர்கள், அசல் மற்றும் வட்டித் தொகை கேட்டு வருகின்றனர். முன்னாள் பஞ்சாயத்து தலைவரான மனைவி லட்சுமியிடம் தேனீர்கடை பொறுப்பை ஒப்படைத்து விட்டு, பரோட்டா கடையை, வேலுசாமி திறந்துள்ளார். கடனை அடைப்பதற்காகவே நான் இவ்வேலையை செய்கிறேன் என்கிறார் வேலுசாமி.