பிரதமர் அளித்த விருந்தில் தனுஷ் பங்கேற்பு

by *சம்ஸ் Fri 30 Dec 2011 - 10:17

இந்தியா வந்துள்ள ஜப்பான் பிரதமர் யோஷிஹிகோ நோடாவுக்கு இந்தியப் பிரதமர் மன்மோகன் சிங் அளித்த விருந்தில் சிறப்பு அழைப்பா ளராக நடிகர் தனுஷ் கலந்து கொண்டார்.

முன்னதாக தனுஷ் பாடிய ‘கொலவெறி டி’ பாடல் இந்தியா முழுவதும் பலமடைந்ததையடுத்து பிரதமர் இல்லத்தில் நடைபெறும் விருந்தில் கலந்து கொள்ளுமாறு அவருக்கு அழைப்பு விடுக்கப்பட்டிருந்தது.

தற்போது இந்த பாடல் ஜப்பான் முழுவதும் இரவு விடுதிகளிலும் டிஸ்கொதே கிளப்புகளிலும் பாடப்பட்டு வருவதாக தகவல்கள், தெரிவிக்கின்றன.

தனுஷின் மாமனார் ரஜினிகாந்துக்கு ஜப்பானில் ஏற்கனவே நிறைய ரசிகர்கள் உண்டு. ரஜினியின் முத்து படம்தான் ஜப்பானில் முதன்முறையாக ஜப்பானிய மொழியிலேயே மொழிப் பெயர்ப்புடன் வெளியானது. இப்போது தனுஷின் பாடல் புகழ்பெற்றுள்ளது.

இந்த பாடல் இந்தியாவின் பல்வேறு மொழிகளிலும் மொழிமாற்றம் செய்யப்பட்டு, வெளியான வண்ணம் உள்ளது. மேலும் பாகிஸ்தானிலும் இந்த பாடல் ‘வேர் இஸ் டெமாக்ரசி’ என்ற பெயரில் வெளியாகியுள்ளது குறிப்பிடத்தக்கது.